بولجامعا سايكەس, ەلىمىزدىڭ باسىم بولىگىندە تۇراقسىز اۋا رايى ساقتالادى. نايزاعاي ويناپ, جاڭبىر جاۋادى, جەل كۇشەيەدى.
«اتموسفەرالىق فرونتالدى ۋچاسكەلەردىڭ وتۋىمەن قازاقستان رەسپۋبليكاسىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى. باتىستا قاتتى جاڭبىر جاۋادى. تەك وڭتۇستىكتە, شىعىستا, رەسپۋبليكا ورتالىعىندا اۋا رايى نەگىزىنەن جاۋىن-شاشىنسىز بولادى دەپ كۇتىلەدى», دەلىنگەن «قازگيدرومەت» رمك حابارلاماسىندا.
كۇندىز جامبىل, ماڭعىستاۋ, اتىراۋ, قىزىلوردا, تۇركىستان, الماتى, قاراعاندى, جەتىسۋ جانە اباي وبلىستارىندا, اقتوبە, شىعىس قازاقستان وبلىستارىنىڭ وڭتۇستىگىندە +35+43°س قاتتى ىستىق كۇتىلەدى.
كۇندىز سولتۇستىكتە, الماتى وبلىسىنىڭ ورتالىعىندا +42°س-قا دەيىن وتە قاتتى ىستىق كۇتىلەدى.
الماتى, تۇركىستان, جامبىل, شىعىس قازاقستان, قاراعاندى, ۇلىتاۋ, جەتىسۋ, اباي وبلىستارىندا, ورتالىقتا, قىزىلوردانىڭ شىعىسىندا, پاۆلوداردىڭ وڭتۇستىگىندە, اقتوبەنىڭ وڭتۇستىك-شىعىسىندا, ماڭعىستاۋدىڭ باتىسىندا, اتىراۋ وبلىستارىنىڭ باتىسىندا, سولتۇستىگىندە توتەنشە ءورت قاۋپى ساقتالادى.
سولتۇستىك قازاقستان, قوستانايدىڭ وڭتۇستىگىندە, اقمولا وبلىستارىنىڭ وڭتۇستىگىندە, سولتۇستىك, شىعىسىندا جوعارى ءورت قاۋپى ساقتالادى.
