ونانا اعىلشىندىق كلۋبپەن بەس جىلعا كەلىسىمشارتقا وتىردى, كەيىن ونى تاعى ءبىر جىلعا ۇزارتادى.
«زور مارتەبە. مەن ءومىر بويى وسى ساتكە جەتۋ ءۇشىن كوپ تەر توكتىم, وسى جولدا كوپتەگەن كەدەرگىنى جەڭدىم. قاقپانى قورعاۋ ءۇشىن «ولد تراففوردقا» شىعىپ, ۇلەسىمدى قوسۋ تاعى ءبىر كەرەمەت تاجىربيە بولادى. بۇل جاڭا كومانداداعى ارىپتەستەرمەن جانە جەتۋ ءۇشىن ايانباي كۇرەسۋدى كەرەك ەتەتىن زور ماقساتتاردىڭ جاڭا باستاۋى. «مانچەستەر يۋنايتەدتە» كەرەمەت قاقپاشىلار بولدى. الداعى جىلدارى ءوز مۇرامدى جاساۋ ءۇشىن بارىمدى سالامىن. ەريك تەن حاگپەن قايتا جۇمىس ىستەۋ مۇمكىندىگى جىگەرلەندىرەدى», دەدى اندرە ونانا.
ايتا كەتەيىك, اندرە ونانا «مانچەستەر يۋنايتەدتىڭ» قازىرگى باپكەرى ەريك تەن حاگ جاتتىقتىرعان «ينتەرگە» دەيىن گوللانديالىق «اياكس» كومانداسىندا وينادى. كامەرۋندىق يتالياعا كەتكەنگە دەيىن ءۇش ليگا چەمپيونى اتانىپ, ەكى گوللانديا كۋبوگىن جەڭىپ العان ەدى.
