الدىمەن اۋىل-ايماقتان جيىلعان كاسىپ يەلەرى تاۋارلارىن سورەگە قويىپ, تۇرعىندارعا ونىڭ ءمان-مازمۇنىن ءتۇسىندىردى. بايقاۋعا ءتۇرلى سالادا ەڭبەك ەتەتىن 30 شاقتى وتاندىق تاۋار ءوندىرۋشى قاتىستى. ال ء«بىر اۋىل – ءبىر ءونىم» ۇلتتىق جوباسىندا تاعى 50-گە جۋىق كاسىپكەر ونىمدەرىن كوپشىلىك نازارىنا ۇسىندى. وبلىس اكىمى بەيبىت يساباەۆ باستاعان توپ اۋەلى بايقاۋعا قاتىسۋشىلاردىڭ كورمەسىن تاماشالاپ, ۇسىنىلعان ءونىم تۇرلەرىنىڭ ساپاسىنا ءمان بەردى.
كورمە سورەلەرىندەگى قۇرىلىس بۇيىمدارى مەن اۋىل شارۋاشىلىعى جانە ەلەكتروتەحنيكالىق ونىمدەر, مەديتسينالىق قۇرال-جابدىقتار مەن تۇرمىستىق جيھازدار, زەرگەرلىك بۇيىمدار, كيىم-كەشەك پەن اياقكيىمدەر, ەت, ءسۇت, ۇن سياقتى ازىق-ت ۇلىك ونىمدەرى, ۇلتتىق تاعام تۇرلەرى, تاعى باسقالارى جينالعانداردىڭ تاڭدانىسىن تۋعىزىپ, تاڭ-تاماشا ەتتى. كورمە كەزىندە قوناقتار تاۋارلار مەن قىزمەت تۇرىمەن تانىسىپ قانا قويماي, ونىمدەردى ءوز باعاسىندا ساتىپ الۋ مۇمكىندىگىنە يە بولدى. ءجۇن, تەرى بۇيىمدارى دا جينالعانداردىڭ جوعارى باعاسىن الدى.
ماسەلەن, كوكسۋ اۋدانى بالپىق بي اۋىلىنىڭ تۇرعىنى جاس كاسىپكەر باعدات ساتىبالدىنىڭ تابيعي تەرىدەن جاسالعان كۇز, قىس, كوكتەم مەزگىلدەرىندە كيەتىن اياق كيىمدەرى كوپشىلىكتى وزىنە قاراتتى. كاسىپكەردىڭ ايتۋىنشا, ءوندىرىس ورنى وسىدان 7 جىل بۇرىن قۇرىلعان. ول كاسىبىن اياق كيىمدەردى جوندەۋدەن باستاپ, كەيىننەن اياقكيىم تىگۋدى ۇيرەنىپ, ونەرىن ۇشتاعان. بۇيىم جاساۋعا قاجەت تەرى تەكەلى, شىمكەنت قالالارىنان جەتكىزىلەدى, ياعني شيكىزاتتىڭ باسىم بولىگى وتاندىق ءونىم بولىپ تابىلادى. قولدان تىگىلگەن بۇيىمدار, اسىرەسە ماۋسىم كەزىندە جاقسى ءوتىپ, تاۋارعا سۇرانىس ارتادى. ساتىپ الۋشىلار ايماقتىڭ ءار تۇكپىرىنەن كەلەدى. اۋەلى شەت ەلدەن دە تاپسىرىس تۇسەدى. «باعدات» جەكە كاسىپكەرلىگىنىڭ يەسى بۇگىندە 5 ادامدى جۇمىسپەن قامتىپ وتىر.
جيىن بارىسىندا وبلىس اكىمى ەلىمىزدە كاسىپكەرلىكتى دامىتۋ نەگىزگى مىندەتتەردىڭ بىرىنە اينالعانىن جەتكىزدى.
«شاعىن جانە ورتا بيزنەستى ورىستەتۋ قالا مەن دالانى وركەندەتۋگە جول اشادى جانە جەرگىلىكتى جۇرتشىلىقتى جۇمىسپەن قامتۋعا مۇمكىندىك بەرەدى. بۇگىندە كاسىپپەن اينالىسام دەۋشىلەر ءۇشىن مەملەكەت تاراپىنان كورسەتىلىپ جاتقان كومەكتەر از ەمەس. جاڭا يدەيانى جۇزەگە اسىرۋعا ۇسىنىس تاستاعان ادامدارعا بيلىك تاراپىنان ءاردايىم قولداۋ كورسەتىلەدى. سونداي-اق قازىردىڭ وزىندە ءبىراز ەلگە ايگىلى بولىپ, برەندكە اينالعان لەپسى بالى – جەتىسۋ ايماعى ءۇشىن ۇلكەن ماقتانىش», دەدى ب.يساباەۆ.
ودان كەيىن اكىم كاسىپكەرلىك, شاعىن جانە ورتا بيزنەس, اۋىل شارۋاشىلىعى سالاسىنداعى جۇمىستارعا دا قىسقاشا توقتالىپ, سوڭىنان كاسىپكەرلەر ىسىنە ساتتىلىك تىلەدى.
كوپ ۇزاماي ۇزدىك كاسىپورىندار انىقتالىپ, جەتەكشىلەرىنە بارىنشا سىي-قۇرمەت كورسەتىلدى. وبلىس اكىمى بەيبىت يساباەۆ جەڭىمپازداردى باعالى سىيلىقتار جانە ارنايى ديپلومدارمەن ماراپاتتاپ, جۇرەكجاردى جىلى لەبىزىن ارنادى. بايقاۋ قورىتىندىسىنا سايكەس, «وندىرىستىك ماقساتتاعى ۇزدىك تاۋارلار» اتالىمىندا كەربۇلاق اۋدانىنداعى تسەمەنت شىعاراتىن «الاتسەم» جشس 1-ورىنعا يە بولسا, قۇرىلىسقا قاجەت بوياۋ تۇرلەرىن وندىرەتىن «الماتى بوياۋلارى» جشس – 2-ورىن , 3-ورىن «ۋىز ماي Industry»» جشس-عا بۇيىردى.
ال «ۇزدىك ازىق-ت ۇلىك تاۋارلارى» اتالىمى بويىنشا ءسۇت ونىمدەرىن ءوندىرىپ, وتكىزەتىن تالدىقورعان قالاسىنداعى «JLC ءسۇت» جشس ۇزدىكتەردىڭ قاتارىنان تابىلىپ, الاكول اۋدانىنداعى بال تۇرلەرىن شىعاراتىن «لەپسى ونىمدەرى» جشس 2-ورىنعا يە بولدى. اسپازدىق جانە كونديتەرلىك ونىمدەردى وندىرۋگە ماماندانعان تالدىقورعان قالاسىنداعى «حاكيموۆا» جك 3-ورىنعا شىعىپ, جينالعانداردىڭ قوشەمەتىنە بولەندى.
«حالىق تۇتىناتىن ۇزدىك تاۋارلار» اتالىمىندا پانفيلوۆ اۋدانىنان بالالار توسەمدەرى مەن گيگيەنالىق قۇرالداردى وندىرۋمەن اينالىساتىن «Elite Baby Production» جشس 1-ورىن السا, 2-ورىن كوكسۋ اۋدانىندا قۇرىلىس ماتەريالدارىن وندىرەتىن «سترويتەل» جشس بۇيىردى. ال جۇننەن تۇرمىستىق بۇيىمدار جاسايتىن «كەلگەمباەۆا ج.ك.» جك 3-ورىنعا قول جەتكىزدى.
ءىس-شارانىڭ كەلەسى كەزەڭىندە ء«بىر اۋىل – ءبىر ءونىم» ۇلتتىق جوباسىنىڭ قورىتىندىسى شىعارىلدى. وبلىستىق ىسكەر ايەلدەر كەڭەسىنىڭ توراعاسى ريمما سالىقوۆا: «جوبا اۋىلداعى بيزنەستى دامىتۋعا باعىتتالعان. اۋىلدى جەرلەردە دە كاسىپتى وركەندەتىپ, ساپالى ءونىم ءوندىرىپ, كەلەشەكتە ەكسپورتقا شىعاراتىنداي تابىس تابۋعا بولادى. بۇل شارادا ۇزدىك 10 ءوندىرۋشى تاڭدالدى. ولاردىڭ 3-ەۋى وسى جوبانىڭ رەسپۋبليكالىق كەزەڭىنە قاتىسادى. كەيىننەن ولارمەن ونىمدەرىن ىشكى جانە سىرتقى نارىقتاردا ىلگەرىلەتۋ ءۇشىن جۇمىس جۇرگىزىلەدى. ماركەتينگتىك جانە ادىسنامالىق سۇيەمەلدەۋ, سونداي-اق مەنتورلىق جانە وقىتۋ جۇزەگە اسىرىلادى. جاپونيادان كەلگەن جوبا سەرىكتەستەر قولداۋ كورسەتەدى», دەدى ر.سادىقوۆا.
ەندىگى كەزەكتە جەڭىمپازدار وبلىس اتىنان استانا تورىندە وتەتىن رەسپۋبليكالىق «قازاقستاننىڭ ۇزدىك تاۋارى» كورمە-بايقاۋىنا قاتىسادى.
