سىبايلاس جەمقورلىققا قارسى ءىس-قيمىل اگەنتتىگىنىڭ نەگىزگى باعىتتارىنىڭ ءبىرى رەتىندە جەمقورلىق تاۋەكەلدەرىنىڭ كارتاسى قولدانىلادى.
بۇل تۋرالى اگەنتتىك توراعاسى اسحات جۇماعالي 6 ايدىڭ قورىتىندىسى بويىنشا القا وتىرىسىندا ايتتى.
وسىلايشا, كارتانى ىسكە اسىرۋ كەزىندە جەمقورلىق تاۋەكەلدەرىنە ءبىلىم بەرۋ سالاسىندا سىرتقى تالداۋلار جۇرگىزىلدى.
ۆەدومستۆو باسشىسى اتاپ وتكەندەي, انتيكور ءۇشىن جەمقورلىق كورىنىستەرىن جويۋدا نەگىزگى الدىن الۋ قۇرالدارىن پايدالانۋ باسىمدىققا يە.
ء«بىز ءۇشىن «ادام ورتالىقتىلىعى» قاعيداتى باسىمدىققا يە. مەملەكەتتىك ورگاندار ازاماتتاردىڭ ءومىرىن جاقسارتۋعا باسا نازار اۋدارۋى ءتيىس. وسىعان سۇيەنە وتىرىپ, اگەنتتىك جۇمىستاعى تاسىلدەردى تۇبەگەيلى قايتا قارادى. جەمقورلىق تاۋەكەلدەرىنىڭ كارتالارى باستى باعدار بولدى», دەپ اتاپ ءوتتى اسحات جۇماعالي.
ءبىلىم بەرۋ سالاسىندا اۋقىمدى جەمقورلىققا جاعداي جاسايتىن جۇيەلى پروبلەمالار بەلگىلەنگەن.
اگەنتتىكتىڭ ينتەگراتسيالانعان تالداۋدى پايدالانۋى جەمقورلىق سحەمالارىن ىشىنەن ەگجەي-تەگجەيلى زەردەلەۋگە مۇمكىندىك بەردى, سونىڭ ارقاسىندا بۇكىل رەسپۋبليكا بويىنشا جەمقورلىق تاۋەكەلدەرىن سىرتقى تالداۋ شەڭبەرىندە ءبىلىم بەرۋ سالاسىنداعى تۇتاس قىلمىستىق سحەمالار اشىلدى. الماتى, شىمكەنت جانە تالدىقورعان قالالارىنىڭ, قىزىلوردا جانە اقتوبە وبلىستارىنىڭ ءبىلىم بەرۋ سالاسىنداعى لاۋازىمدى تۇلعالارىنا قاتىستى قىلمىستىق ىستەر تەرگەلۋدە.
وسىلايشا, مەكتەپ ديرەكتورلارى مەن بۋحگالتەرلەرى بۋحگالتەرلىك ەسەپ جۇيەلەرىن قازىناشىلىقپەن جانە باسقا مالىمەتتەر بازاسىمەن ينتەگراتسيالاۋدىڭ جوقتىعىن پايدالانىپ, بيۋدجەت قاراجاتىن جىمقىرعان.
بۇل ءبىلىم بولىمدەرىنىڭ باسشىلارى مەن مەملەكەتتىك اۋديتورلاردى قامتۋ كەزىندە ورىن الدى.
بۇگىنگى تاڭدا ەلىمىز بويىنشا الدىن الا 7,9 ملرد تەڭگە شىعىنمەن ءبىلىم بەرۋ سالاسىندا 102 قىلمىستىق ءىس تىركەلگەن.
جالپى, تالداۋ ناتيجەلەرىمەن ءارتۇرلى سالالاردا جەمقورلىق تاۋەكەلدەرىن جويۋ بويىنشا 1100-دەن استام ۇسىنىمدار ازىرلەندى, بۇگىندە ولاردىڭ 33%-ىن مەملەكەتتىك ورگاندار ورىندادى.
