پرەزيدەنت قاسىم-جومارت توقاەۆ «ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىق كەڭەسىنىڭ» ءبىرىنشى ءسامميتى اياسىندا كۋۆەيت مەملەكەتىنىڭ تاق مۇراگەرى شەيح مەشال ءال-احمەد ءال-دجابەر اس-ساباحپەن كەزدەسۋ وتكىزدى.
كەزدەسۋ بارىسىندا ساۋدا-ەكونوميكا جانە ينۆەستيتسيا سالالارىنداعى قازاق-كۋۆەيت ىنتىماقتاستىعىنىڭ دامۋ پەرسپەكتيۆالارى تالقىلاندى.
مەملەكەت باسشىسى كۋۆەيتپەن بايلانىستى نىعايتۋدىڭ ماڭىزدىلىعىن اتاپ ءوتتى. ونىڭ ايتۋىنشا, قازاقستان ەكى ەل اراسىنداعى قارىم-قاتىناستى ودان ءارى دامىتۋعا مۇددەلى جانە بارلىق باسىم باعىت بويىنشا ءوزارا ءىس-ارەكەتكە تىڭ سەرپىن بەرۋگە دايىن.
تاق مۇراگەرى شەيح مەشال ءال-احمەد ءال-دجابەر اس-ساباح استانا مەن ءال-كۋۆەيت اراسىنداعى دوستىق جانە ءوزارا ءتيىمدى قارىم-قاتىناستى ودان ءارى نىعايتۋعا دايىن ەكەنىن اتاپ ءوتىپ, ساۋدا-ەكونوميكالىق, ينۆەستيتسيالىق, تۋريستىك سالالارداعى ىنتىماقتاستىقتى دامىتۋ ءۇشىن زور الەۋەت بار ەكەنىن جەتكىزدى.
