«قازاقتەلەكوم» اق 2023 جىلعى 1 تامىزدان باستاپ مۇراعاتتىق تاريفتەر جەلىسىنىڭ كەيبىر تاريفتىك جوسپارلارى بويىنشا تاريفتەردىڭ كوتەرىلگەنى تۋرالى حابارلادى.
Activ.kz ۇيالى بايلانىس وپەراتورى دا 2023 جىلعى 8 تامىزدا «شىنايى شەكسىز مۇراعاتتىق», «سۋپەر كومفورت مۇراعاتتىق», «سۇحبات مۇراعاتتىق» تاريفتەرى بويىنشا تولەم جاڭارتىلاتىنىن مالىمدەدى.
«بىرقاتار فاكتورلارعا, سونىڭ ىشىندە ەكونوميكالىق جاعدايعا بايلانىستى ءبىز تاريفتىك جوسپارلاردىڭ باعاسىنا كىشىگىرىم وزگەرىس ەنگىزۋ تۋرالى شەشىم قابىلداۋعا ءماجبۇرمىز. بۇل ءسىزدىڭ قاراجاتىڭىزعا اسەر ەتۋى مۇمكىن ەكەنىن تۇسىنەمىز, سوندىقتان ءبىز قوسىمشا رەسۋرستار مەن قىزمەتتەر تۇرىندە وتەماقى ۇسىنامىز. بۇل وزگەرىستەر ينفراقۇرىلىمعا نەگىزدەلگەن شىعىنداردىڭ وسۋىمەن, جاڭا تەحنولوگيالاردىڭ ىسكە قوسىلۋىمەن, الەمدىك لوگيستيكالىق تىزبەكتەردىڭ قۇلدىراۋى, ينفلياتسيا, ەلەكتر ەنەرگياسىنىڭ قىمباتتاۋى, جاڭا تەحنولوگيانى ەنگىزۋ ءۇشىن جوعارى جيىلىك قۇنى جانە كومپانيامىز ءۇشىن سىن-قاتەرلەر تۋدىرعان باسقا دا جاعدايلارمەن بايلانىستى. سوندىقتان ءبىز قىزمەتتەردىڭ تۇراقتىلىعىن قامتاماسىز ەتۋ جانە سىزگە ودان دا وزىق تەحنولوگيالار مەن قىزمەتتەردى ۇسىنۋ ءۇشىن تاريفتەرىمىزدىڭ باعالارىن قايتا قاراۋدى شەشتىك», دەلىنگەن Tele2 جاريالاعان حابارلامادا.
Beeline دا 2023 جىلدىڭ 15 تامىزىنان باستاپ كۇندەلىكتى پاكەت قۇنى وزگەرەتىنىن حابارلادى.
