ءماجىلىس دەپۋتاتتارى قر قىلمىستىق-پروتسەستىك كودەكسىنە وسىنداي وزگەرىس ەنگىزۋدى ۇسىندى.
ء«بىرىنشى ساتىداعى سوتتاردا قىلمىستىق ىستەردى قاراۋدى سۋديا جەكە-دارا, ال اۋىر جانە اسا اۋىر قىلمىستار ايىپتالۋشىنىڭ ءوتىنىشحاتى بويىنشا قۇرامىندا 1 سۋديا مەن 12 القابي بولاتىن القابيلەردىڭ قاتىسۋىمەن سوت جۇزەگە اسىرادى», دەپ جازىلعان قىلمىستىق-پروتسەستىك كودەكستە.
قۇجاتتا جازىلعانداي, بۇل باعىتتا وزگەرىس جاساۋ ءۇشىن جەتەكشى الەم ەلدەرىنىڭ تاجىريبەسى نەگىزگە الىنعان. دەپۋتاتتاردىڭ پايىمىنشا, القابيلەر سوتى ەڭ ءادىل شەشىمدەردى قابىلداۋعا قابىلەتتى.
«ادۆوكاتۋرانى دامىتۋ تۇجىرىمداماسىنىڭ 4-ءبولىمىنىڭ 4-تارماعى القابيلەر سوتىنا سوتتىلىعىنا جاتاتىن ىستەردىڭ ساناتتارىن كەڭەيتۋ قاجەتتىگىن كوزدەيدى. الەمنىڭ جەتەكشى ەلدەرىنىڭ جيناقتاپ قورىتىلعان تاجىريبەسى القابيلەر سوتى ەڭ ءادىل سوت شەشىمدەرىن قابىلداۋعا قابىلەتتى ەكەنىن كورسەتەدى. القابيلەر سوتىنىڭ سوتتىلىعىنا جاتاتىن ىستەر ساناتتارىن ودان ءارى كەڭەيتۋ, ونىڭ ىشىندە القابيلەر سوتىنىڭ ىستەردىڭ كەيبىر ساناتتارىن قاراۋى بويىنشا نەگىزسىز شەكتەۋلەردى قايتا قاراۋ جولىمەن كەڭەيتۋ قاجەت. بۇدان باسقا, القابيلەردىڭ كلاسسيكالىق سوتىنا ءتان ەلەمەنتتەردى, ونىڭ ىشىندە توراعالىق ەتۋشى سۋديا بولماعان كەزدە جانە ونىڭ ىقپالىنسىز القابيلەردىڭ شەشىم قابىلداۋىن قامتاماسىز ەتۋ جونىندەگى ەلەمەنتتەردى زاڭنامالىق دەڭگەيدە ەسكەرۋ قاجەت. بۇل نوۆەللا سوت جۇيەسىن دەموكراتيالاندىرۋعا, وعان قوعامنىڭ سەنىمىن ارتتىرۋعا ىقپال ەتەدى», دەلىنگەن تۇسىندىرمە جازبادا.
سونداي-اق دەپۋتاتتار باستاماسى بويىنشا قىلمىستىق كودەكسكە ادۆوكاتتاردىڭ قىزمەتىنە زاڭسىز ارالاسىپ, كۇش كورسەتۋ ارقىلى ءىستى بۇرمالاۋعا ماجبۇرلەگەندەردى جازاعا تارتۋدى كوزدەيتىن نورما ەنگىزىلەدى.
