اۆتوساقتاندىرۋ جەڭىلدەتىلەدى

ەگەر جكو-عا ەكى كولىك قانا قا­تىسسا, ادامداردىڭ ءومىرى مەن دەنساۋلىعىنا زيان كەلتىرىلمەسە, ءۇشىنشى تۇلعالاردىڭ مۇلكى زارداپ شەكپەسە, ەۋروحاتتاما قولدا­نىلادى. جكو-عا قاتىسۋشىلاردا قولد­ا­نىستاعى مىندەتتى اۆتوساق­تان­دىرۋ ءپوليسى بولۋعا ءتيىس. تاراپتار كىمنىڭ كىنالى, جكو سالدارىنان كىمنىڭ زارداپ شەككەنى تۋرالى كەلىسىمگە كەلۋگە, زالال­ سو­ماسى بەلگىلەنگەن ليميت (100 اەك) شەگىندە بولاتىنىن كەلى­سۋگە ءتيىس.

وسى جىلعى ءۇشىنشى توق­سان­دا ساقتاندىرۋ نارىعىنا قاتى­سۋ­شىلار ءموبيلدى قوسىمشانى تەست نۇسقاسىندا پايدالانا باستايدى. ءتورتىنشى توقساندا قوسىمشانى قاناتقاقتى رەجىمدە سىناق­تان­ وتكىزۋ جوسپارلانىپ وتىر. ءموبيل­­دى قوسىمشا 2024 جىلعى 1 قاڭ­تاردان باستاپ پايدالانۋعا بەرىلەدى دەپ جوسپارلانعان.

ەۋروحاتتاما ۇدەرىستى ەداۋىر جەڭىلدەتىپ, ساقتاندىرۋ تولەم­دەرىن الۋ مەرزىمىن قىسقارتادى, سونىمەن قاتار جولداعى كەپتەلىس سانىن ازايتادى.

ءوز كەزەگىندە قارجى نارىعىن رەتتەۋ جانە دامىتۋ اگەنتتىگى 2024 جىلدىڭ باسىنان باس­تاپ كۇشىنە ەنەتىن مىندەتتى اۆتوساقتاندىرۋ بويىنشا تاريفتەردى ەسەپتەۋدىڭ جاڭا تاسىلدەرى بويىنشا ءوز جوسپارىن ۇسىنباق. سونىڭ اياسىن­دا­ اۆتوكولىك يەلەرى ءۇشىن ساق­تان­دى­رۋ­دىڭ بارابار جانە ءادىل قۇنى انىق­تالماق. اۆتو­ساق­تاندىرۋ قۇنىن ەسەپتەۋ ءۇشىن اگەن­تتىك جىل سايىن ساقتاندىرۋ ستا­تيس­تي­كاسىنىڭ بىرىڭعاي ساق­تان­دىرۋ دەرەكقورىندا جينالعان دەرەك­تەر نەگىزىندە ناقتى وڭىر­لەر­دەگى كولىك قۇرالدارىن تىركەۋ شى­عىندىلىعىن ەسكەرە وتىرىپ, اۆتوساقتاندىرۋ قۇنىن ەسەپتەۋ ءۇشىن تۇزەتۋ كوەففيتسيەنتىن بەكىتەدى.

يكەمدى تاريفتەر جۇيەسىن ەنگى­زۋگە دايىندىق جۇمىسى بيىل جىل سوڭىنا دەيىن جۇرگىزىلمەك.

كەلەر جىلدان باستاپ مى­ن­دەتتى اۆت­و­­­ساق­تاندىرۋ بويىنشا ساق­­تان­­­­­دى­رۋ سىيلىقاقىسى جاڭا تاريفتەرمەن ەسەپتەلەدى.