مامانداردىڭ بولجامىنا قاراعاندا, ەلدىڭ باسىم بولىگىندە اۋا رايى تۇراقسىز بولادى. جاڭبىر جاۋادى, سولتۇستىك-باتىستا, سولتۇستىكتە نايزاعاي ويناپ, قاتتى جاڭبىر جاۋادى. كۇندىز بۇرشاق جاۋى مۇمكىن. تەك رەسپۋبليكانىڭ وڭتۇستىگى مەن شىعىسىندا جاۋىن-شاشىنسىز اۋا رايى ساقتالادى.
سينوپتيكتەردىڭ ايتۋىنشا, بىرقاتار وڭىردە جەل كۇشەيەدى, ەلدىڭ وڭتۇستىگىندە, وڭتۇستىك-باتىسىندا, باتىسىندا شاڭدى داۋىل سوعادى.
استانادا كوشپەلى بۇلت شىعادى. كەي ۋاقىتتا جاڭبىر جاۋادى, نايزاعاي وينايدى, كۇندىز بۇرشاق جاۋادى. وڭتۇستىك-باتىستان سوعاتىن جەلدىڭ ەكپىنى سەكۋندىنا – 9-14 مەتر, كۇندىز ەكپىنى سەكۋندىنا – 15-20 مەتر بولادى. اۋا تەمپەراتۋراسى – تۇندە +21+23°س, كۇندىز – +30+32°س ىستىق.
الماتىدا كوشپەلى بۇلت شىعادى, جاۋىن-شاشىنسىز. جەل ەكپىنى سەكۋندىنا – 0-5 مەتر. اۋا تەمپەراتۋراسى تۇندە – +23+25°س, كۇندىز – +36+38°س ىستىق.
شىمكەنتتە كوشپەلى بۇلت شىعادى, جاۋىن-شاشىنسىز. سولتۇستىك-باتىستان سوعاتىن جەلدىڭ ەكپىنى سەكۋندىنا – 8-13, 15-20 مەتر. اۋا تەمپەراتۋراسى تۇندە – +22+24, كۇندىز – +35+37°C ىستىق.
