سەنات دەپۋتاتى ەۆگەني بولگەرت قاراعاندى وبلىسىندا قازاقستان حالقى اسسامبلەياسىنىڭ, كاسىپكەرلەر قاۋىمداستىعىنىڭ وكىلدەرىمەن جانە جاستارمەن كەزدەستى.
كەزدەسۋ بارىسىندا بيزنەستىڭ قۇقىقتارى مەن مۇددەسىن قورعاۋ, كاسىپكەرلىك سالاسىنداعى يننوۆاتسيالىق جوبالاردى ىسكە اسىرۋعا قولداۋ جاساۋ, ەتنوستاردىڭ تاريحي شىققان ەلدەرىنەن قازاقستانعا ينۆەستيتسيا مەن تەحنولوگيا تارتۋ جونىندەگى ۇسىنىستاردى تىڭدادى. ەۆگەني بولگەرت VIII شاقىرىلىمداعى سەناتتىڭ ءبىرىنشى سەسسياسىنىڭ قورىتىندىلارى تۋرالى ايتتى.
دەپۋتات نەمىس مادەني ورتالىعىنا بارىپ, نەمىس جاستار كلۋبىنىڭ قىزمەتكەرلەرىمەن, وكىلدەرىمەن كەزدەستى. قازاقستان حالقى اسسامبلەياسىنىڭ XXXII سەسسياسىنىڭ قورىتىندىسى بويىنشا قابىلدانعان شەشىمدەردى حاباردار ەتۋ, سونداي-اق مادەني ورتالىقتىڭ ودان ءارى جۇمىسى, ينستيتۋتسيونالدىق نىعايتۋ, وڭىردەگى جوبالىق جۇمىستى ىسكە اسىرۋ ماسەلەلەرى كەزدەسۋدىڭ نەگىزگى تاقىرىبى بولدى. ە.بولگەرت ساپار بارىسىندا «سارىارقا» ارنايى ەكونوميكالىق ايماعىن ارالادى.
* * *
ءماجىلىس دەپۋتاتتارى اينا ءمىسىرالىموۆا مەن ناتاليا دەمەنتەۆا اقكول قالاسىنداعى مەديتسينا قىزمەتكەرلەرىنە ارنالعان ەمدەۋ-ساۋىقتىرۋ ورتالىعىنىڭ قۇرىلىسىمەن تانىستى.
بۇگىندە وڭتۇستىك ەمدەۋ كورپۋسىنىڭ, قوناق ءۇيدىڭ جانە باسسەيننىڭ قارقىندى قۇرىلىس جۇمىسى ءجۇرىپ جاتىر. ونى كەلەسى جىلدىڭ سوڭىنا دەيىن پايدالانۋعا بەرۋ جوسپارلانعان. ءوز كەزەگىندە, دەپۋتاتتار مەديتسينا قىزمەتكەرلەرى مەملەكەتتىڭ ەرەكشە قامقورلىعىندا بولۋى كەرەك ەكەنىن اتاپ ءوتتى.
دەپۋتاتتار 1000-عا جۋىق تۇرعىنى بار دومبىرالى كەنتىندەگى سۋ قۇبىرى جەلىلەرىن جوندەۋ جۇمىسىمەن تانىستى. كەنتتەگى 16 شاقىرىمدىق سۋ قۇبىرى ىستەن شىققان سوڭ, 2 مىڭ مەتردەن استام جاڭا قۇبىر سالىنىپ, 40-تان استام قۇدىق ورناتىلدى.
سونىمەن قاتار اينا ءمىسىرالىموۆا « Amanat» پارتياسىنىڭ اقمولا وبلىستىق فيليالىنىڭ الاڭىندا ازاماتتاردى قابىلدادى. كوكشەتاۋ تۇرعىندارى جول سالۋ, قوقىس جيناۋ, كوممۋنالدىق ينفراقۇرىلىمدى جوندەۋ ماسەلەلەرىن كوتەردى. قوعامدىق كولىك ماسەلەسىنە دە ەرەكشە نازار اۋدارىلدى.
دەپۋتات بۇل ماسەلە ىشكى ىستەر مينيسترلىگىمەن بىرگە مۇقيات زەردەلەنەتىنىن اتاپ ءوتتى. اسىرەسە D ساناتىنداعى جۇرگىزۋشى وتىلىنە قويىلاتىن تالاپتاردى تومەندەتۋ مۇمكىندىگى نازارعا الىنادى.
* * *
سەنات دەپۋتاتتارى ءالي بەكتاەۆ پەن مۇرات قادىربەك وڭىرگە ساپار بارىسىندا ساۋران جانە وتىرار اۋداندارىنا باردى. تۇرعىندارمەن كەزدەسۋدە قۇبىرمەن كەلەتىن سۋدىڭ جوقتىعى, كوپسالالى اۋرۋحانا سالۋ قاجەتتىگى, اۋىلدىق وكرۋگتەردە جەر قويناۋىن زاڭسىز پايدالانۋ جانە باسقا دا ماڭىزدى ماسەلەلەر كوتەرىلدى.
دەپۋتات ءالي بەكتاەۆ ايتىلعان ۇسىنىستارعا جەكە توقتالىپ, سەناتورلار الداعى سەسسيا بارىسىندا وسى ماسەلەلەردى شەشۋگە ىقپال ەتەتىنىن اتاپ ءوتتى. سەناتورلار وتىرار اۋدانىنىڭ تالاپتى ەلدى مەكەنىندەگى سايلاۋشىلارمەن كەزدەسۋدە VIII شاقىرىلىمنىڭ ءبىرىنشى سەسسياسى بارىسىندا سەنات ماقۇلداعان زاڭ شىعارۋ قىزمەتى مەن زاڭدار تۋرالى ەگجەي-تەگجەيلى حاباردار ەتتى. دەپۋتاتتار كەزدەسۋلەردى قورىتىندىلاي كەلىپ, ۇسىنىلعان ءاربىر ۇسىنىستىڭ ماڭىزىنا توقتالدى جانە ولاردىڭ كەزەڭ-كەزەڭىمەن شەشىلۋىنە ىقپال ەتەتىنىن جەتكىزدى.
* * *
ءماجىلىس دەپۋتاتتارى اتىراۋدا ءىرى مۇناي-گاز كاسىپورىندارى باسشىلارىمەن وڭىردەگى وزەكتى ماسەلەلەردى تالقىلادى. كاسىپورىنداعى جۇمىسشىلاردىڭ ءوتىنىشى بويىنشا وندىرىستە ۆاحتالىق اۋىسىم ۋاقىتىن 14 كۇنگە اۋىستىرۋ, كوگالداندىرۋ جۇمىسىن جەدەلدەتىپ, الەمۋەتتىك-ينفراقۇرىلدىمدىق دامۋ باعدارلاماسىنا بولىنەتىن قارجىنى كوبەيتۋ سياقتى بىرقاتار ماسەلەنى كوتەردى.
باقتىقوجا ىزمۇحامبەتوۆ «ەمبىمۇنايگاز» اق ۇجىمىمەن كەزدەسىپ, زاڭ شىعارۋشى ورگاننىڭ جۇمىسى مەن قابىلدانىپ جاتقان زاڭدار تۋرالى اقپارات بەردى. جيىندا دەپۋتات ونلاين-جارناما, شەتەلگە شىعارىلعان اكتيۆتەردى ەلگە قايتارۋ تۋرالى زاڭداردىڭ تالاپتارى مەن تيىمدىلىگى تۋرالى ايتتى. سونىڭ ىشىندە «اۋىل اماناتى» جوباسىنىڭ ماقسات-مىندەتتەرىنە نازار اۋداردى.
دۇيسەنباي تۇرعانوۆ پەن ءادىل جۇبانوۆ وسى وڭىردەگى ءىرى مۇناي-گاز مەكەمەلەرىنىڭ ۇجىمدارىمەن كەزدەستى. جيىنعا «ەمبىمۇنايگاز» اق, «تەڭىزشەۆرويل» جشس جانە North Caspian Operating Company N.V. كومپانياسىنىڭ وكىلدەرى قاتىستى. وندا الەۋمەتتىك ينفراقۇرىلىمدىق جوبالار جانە كوگالداندىرۋ تاقىرىپتارى قوزعالدى.
