1200 ورىنعا ارنالعان ەكى ستۋدەنتتىك جاتاقحانا پەتروپاۆل قالاسىنىڭ ورتالىعىندا 500 مەتر قاشىقتىقتا ورنالاسادى.
قۇرىلىس بەلسەندى قارقىنمەن ءجۇرىپ جاتىر, قازىر نىساندا 90 ادام جۇمىس ىستەيدى, مەردىگەر جەرگىلىكتى - «وسنوۆانيە» جشس. مەردىگەردىڭ ايتۋىنشا, جاتاقحانا 2024 جىلدىڭ تامىزىنا دەيىن دايىن بولادى. قۇرىلىستىڭ التى ايعا كەشىكتىرىلۋىنىڭ سەبەبى – تەندەردىڭ باسقا قاتىسۋشىسىنىڭ داۋلاسۋىنا بايلانىستى سوت پروتسەسى وتكەن. سونداي-اق جاقىن ماڭداعى جەكە ۇيلەردى بۇزۋ مۇمكىندىگىنىڭ بولماۋىنا بايلانىستى جىلۋ جەلىسى جاتاقحانالارعا ۋاقىتىندا جەتكىزىلمەۋى مۇمكىن. جىلۋ جۇرگىزىلگەننەن كەيىن عانا قۇرىلىسشىلار ىشكى ارلەۋگە كىرىسە الادى.
«جىلۋ مەن سۋ بولماسا, وبەكت ىسكە قوسىلمايدى. ءبىز پەتروپاۆل اكىمدىگىنەن جاقىن جەردە ورنالاسقان ءۇش ءۇيدى ساتىپ الۋ كەرەك دەگەن ماردىمسىز جاۋاپ الدىق. ەگەر قاراشا-جەلتوقسان ايلارىندا ينفراقۇرىلىم جاسالماسا, وندا مەردىگەردىڭ پايدالانۋعا بەرىلۋى ءالى بەلگىسىز ۋاقىتقا كەشىكتىرىلەدى. ول قىستا ىشكى جۇمىستاردى جۇرگىزە المايدى», دەدى ەركەبۇلان مامبەتوۆ.
جوسپار بويىنشا ەكى جاتاقحاناداعى ءۇي-جايلاردىڭ جالپى اۋدانى 27 مىڭ شارشى مەتردەن اسادى. مۇندا اكىمشىلىك ءۇي-جايلار, سپورت زالدارى, بۋفەتتەر مەن مەديتسينالىق بلوكتار ورنالاسادى. ءار بولىمدە اس ءۇي, كىر جۋ, تازالاۋ جانە كەپتىرۋ بولمەسى, تۇرمىستىق, جاتتىعۋ جانە دەمالىس, قوسالقى بولمەلەر مەن جۋىناتىن بولمەلەر بولادى.
