ەلدىڭ ءار ايماعىنان جينالعان اۋىل شارۋاشىلىعى ماماندارى تۇقىم سورتىن دايارلاۋ مەن ونى جەرسىندىرۋ جانە سىناقتان وتكىزۋ توڭىرەگىندەگى ويلارىمەن ءبولىستى. ەگىستىك باسىنا جينالعان قاۋىم وتاندىق جانە شەتەل سەلەكتسياسىنىڭ ءداندى, ءداندى بۇرشاق, مايلى مال ازىعى داقىلدارىنىڭ سەلەكتسيالىق جەتىستىكتەرى مەن «Limagrain europe» جشس, «ABUS qroup» جشس سياقتى ەلدىڭ تۇقىم شارۋاشىلىعىندا جۇمىس ىستەيتىن كومپانيا وكىلدەرىنىڭ تانىستىرۋىمەن سەلەكتسيالىق جانە سورت سىناۋ باعىتىندا پايدالانىلاتىن اۋىل شارۋاشىلىعى تەحنيكالارىنىڭ, زەرتحانالىق جابدىقتاردىڭ زاماناۋي ۇلگىلەرىن تاماشالاپ, ەلدىڭ تۇقىم شارۋاشىلىعى سالاسىندا جۇمىس ىستەيتىن فيرمالاردىڭ تۇساۋكەسەر تانىستىرىلىمدارىنا كۋا بولدى.
اۋىل شارۋاشىلىعى مينيسترلىگى «اۋىل شارۋاشىلىعى داقىلدارىنىڭ سورت سىناۋ جونىندەگى مەملەكەتتىك كوميسسياسى» رمم-ءنىڭ توراعاسى تالعات اجعاليەۆ ەلدەگى سورت سىناۋ سالاسىنىڭ تاريحى 1937 جىلدان باستاۋ الاتىنىن, بۇگىندە جەتىسۋ جەرىندە 6 سورت سىناۋ ورتالىعى جۇمىس ىستەيتىنىن, ال سارقان سورت سىناۋ ورتالىعىندا قانت قىزىلشاسى, بيداي, مايبۇرشاق, جۇگەرى, كارتوپ, كۇنباعىس, باسقا دا اۋىل شارۋاشىلىعى داقىلدارى سىناقتان وتەتىنىن ءارى ۇلگىلى شارۋاشىلىق بولىپ تابىلاتىنىن جەتكىزدى. ورتالىقتا اسىرەسە قانت قىزىلشاسى, مايبۇرشاق, كۇنباعىس, جۇگەرى, ارپا, بيداي, كوپجىلدىق شوپتەرگە باسىمدىق بەرىلەتىنى ايتىلدى. سارقان مسۋ جەتەكشىسى تامارا يۆاششەنكو جينالعانداردى القاپتا ءوسىپ, وڭىردە ەگىلەتىن ءداندى داقىل تۇرلەرىمەن تانىستىرىپ, ساراپتاما جۇرگىزدى.
ءىس-شارانىڭ رەسمي بولىمىندە اۋىل شارۋاشىلىعى مينيسترلىگى ەگىنشىلىك دەپارتامەنتىنىڭ تۇقىم شارۋاشىلىعى جانە سورت سىناۋ باسقارماسىنىڭ باسشىسى ايمان تەلەگەنوۆانىڭ, جەتىسۋ وبلىستىق اۋىل شارۋاشىلىعى باسقارماسىنىڭ باسشىسى نۇرداۋلەت كەنەنباەۆتىڭ, «ABUS qroup» جشس باس ديرەكتورى قۋانىش ءابدىراحمانوۆتىڭ, رەسپۋبليكالىق زەرتحانانىڭ باسشىسى ايجان جۇماحانوۆانىڭ, «قازاق ەگىنشىلىك جانە وسىمدىك شارۋاشىلىعى عىلىمي زەرتتەۋ ينستيتۋتى» جشس-نىڭ ءداندى داقىلدار زەرتحاناسىنىڭ مەڭگەرۋشىسى باقىت اينەبەكوۆانىڭ, «قازاق ەگىنشىلىك جانە وسىمدىك شارۋاشىلىعى عىلىمي زەرتتەۋ ينستيتۋتى» جشس-نىڭ مايلى داقىلدار زەرتحاناسىنىڭ مەڭگەرۋشىسى سۆەتلانا ديدورەنكونىڭ, «مايلى داقىلدار تاجىريبە شارۋاشىلىعى» جشس ديرەكتورىنىڭ عىلىم جونىندەگى ورىنباسارى ءلايلا ابىتاەۆانىڭ, «الەم اگرو حولدينگ» جشس تۇقىم بيزنەسىن دامىتۋ مەنەدجەرى ەدىل كالمانبەتوۆتىڭ باياندامالارى تىڭدالدى.
جيىن سوڭىندا قاجىرلى ەڭبەگىمەن دارالانعاندارعا قازاقستان رەسپۋبليكاسىنىڭ اۋىل شارۋاشىلىعى مينيسترلىگى «اۋىل شارۋاشىلىعى داقىلدارىنىڭ سورت سىناۋ جونىندەگى مەملەكەتتىك كوميسسياسى» رمم توسبەلگىلەرى سالتاناتتى تۇردە تابىستالدى.
جەتىسۋ وبلىسى
