13-14 شىلدە ارالىعىندا «وزگەرمەلى الەمدەگى ازيا: بولاشاقتىڭ كۇن ءتارتىبى» تاقىرىبىندا ورتالىق ازيا فورۋمى وتەدى.
الەم بۇرىن-سوڭدى بولماعان كۇردەلى گەوساياسي وزگەرىستەردىڭ الدىندا تۇر. ۇدەمەلى سيپاتتاعى جاھاندانۋ اياسىندا ايماقتاندىرۋدىڭ جاڭا فورماتتارى قاتار ارتىپ كەلەدى. مۇنىڭ ءبارى قاۋىپسىزدىك ارحيتەكتۋراسىن قوسا العاندا, حالىقارالىق قاتىناستاردىڭ جاڭا ەرەجەلەرى مەن تەتىكتەرىن ورناتۋدا باسەكەلەستىكتىڭ كۇشەيۋىن تۋدىرادى. بۇل تۇرعىدا ازيا ساياسي جانە گەوەكونوميكالىق تارتىمدىلىقتىڭ نەگىزگى ورتالىعى مارتەبەسىنە يە بولادى. سوندىقتان قاۋىپسىزدىك جانە ىنتىماقتاستىق فورۋمى «وزگەرمەلى الەمدەگى ازيا: بولاشاقتىڭ كۇن ءتارتىبى» تاقىرىبىنا ارنالادى.
ءىس-شارا ميۋنحەن قاۋىپسىزدىك كونفەرەنتسياسى, IISS-Shangri La Dialogue, Raisina Dialogue, پريماكوۆ وقۋلارى جانە استانا حالىقارالىق فورۋمى سياقتى جىل سايىنعى الاڭداردىڭ جاھاندىق ەكوجۇيەسىنىڭ بولىگى بولماق. فورۋم الەمنىڭ جەتەكشى عىلىمي-زەرتتەۋ ورتالىقتارىنىڭ كورنەكتى ويشىلدارى مەن ساياساتتانۋشىلارىنىڭ ديالوگى مەن ءوزارا ءىس-قيمىلىنىڭ جاڭا فورماتتارىن كورسەتەدى. جيىن سىرتقى ىستەر مينيسترلىگىمەن بىرلەسىپ ۇيىمداستىرىلادى.
پىكىرتالاس تاقىرىپتارى: «ازيانىڭ جاھاندىق قاۋىپسىزدىگى: بولاشاق مۇمكىندىكتەرى», «ەۋرازيانىڭ جاڭا كونتينەنتتىك ءوزارا بايلانىستىلىعى: ورتا ءدالىز جانە ينتەگراتسيا ديالوگى», «يننوۆاتسيالار مەن «اقىل-وي» ءۇشىن جاھاندىق باسەكەلەستىك: جاڭا تەحنولوگيالار, جاساندى ينتەللەكت جانە ادامي كاپيتال» جانە ت.ب. جاپونيا, قىتاي, اقش, ءۇندىستان, سينگاپۋر, رەسەي, تۇركيا جانە وزگە ەلدەردىڭ وكىلدەرىنىڭ قاتىسۋى كۇتىلەدى.
سپيكەرلەر قاتارىندا بۇۇ باس حاتشىسىنىڭ ورىنباسارى, بۇۇ كونترتەرروريستىك باسقارماسىنىڭ باسشىسى ۆلاديمير ۆورونكوۆ, ەۋروپالىق وداقتىڭ ورتالىق ازيا بويىنشا ارنايى وكىلى تەرحي حاكالا, جاپونيانىڭ ۇلتتىق ساياسي زەرتتەۋلەر ينستيتۋتىنىڭ ۆيتسە-پرەزيدەنتى نارۋشيگە ميچيشيتا, سىرتقى ىستەر ءمينيسترىنىڭ ورىنباسارى, يران ءسىم ساياسي جانە حالىقارالىق زەرتتەۋلەر ينستيتۋتىنىڭ پرەزيدەنتى مۋحامماد حاسان شەيح ءال يسلامي, كاتارداعى دجوردجتاۋن ۋنيۆەرسيتەتىنىڭ مەملەكەتتىك ساياسات پروفەسسورى, اراب زەرتتەۋلەر جانە ساياسي زەرتتەۋلەر ورتالىعىنىڭ يراندىق زەرتتەۋلەر ءبولىمىنىڭ باستىعى مەحران كامراۆا جانە ت.ب. بار.
