ونىڭ ايتۋىنشا, جىلدا قايتالاناتىن جاعدايدان قۇزىرلى مەكەمەلەر ساباق الماي كەلەدى.
«ۋلايتىن مەكەمەلەردە جاۋاپكەرشىلىك جوق. مەملەكەتتىك ساتىپ الۋدا ولار كورسەتكەن تەحنيكالار, پرەپاراتتار تۇگەل مە, جوق پا, دارىلەردى سۋعا جەتكىلىكتى دەڭگەيدە قوسقان-قوسپاعانىن ەشكىم بىلمەيدى. جاۋاپتى باسقارما, دەپارتامەنتتەر, اۋدان اكىمدىگى باقىلاۋدى قاعاز جۇزىندە جاسايدى.زيانكەستەردى ۋلاۋ جۇمىسى اقساپ تۇر. مويىنداۋ كەرەك. جۇيە جوق. الگوريتم دۇرىس ەمەس. اشىقتىق تۋرالى ايتپاي-اق قويايىق» دەيدى ول.
داۋرەن سەيىتجان ۇلى ءتيىستى مەكەمەلەردىڭ سالعىرتتىعىن سىنعا الادى. ونىڭ ايتۋىنشا, ءجۋرناليستىڭ بىرنەشە كۇن بۇرىن جازعان جازباسىنداعى سۇراقتارعا قۇزىرلى مەكەمە ءاتۇستى جاۋاپ بەرگەن.
«كرەولين - ح پرەپاراتى قانشا توننا؟ وعان قانشا جۇمسالدى؟ قۇپيا كۇيىندە قالدى. نەگە؟ ال ۋاقىت وزعان سايىن مال-جاننىڭ مازاسى قاشىپ جاتىر», دەپ ويىن اياقتادى ول.
