اۋىل شارۋاشىلىعى باسقارماسى مال شارۋاشىلىعى ءبولىم باسشىسىنىڭ مىندەتىن اتقارۋشى اسحات شايحيەۆتىڭ ايتۋىنشا, وتىنىمدەر Plem.kz سايتى ارقىلى قابىلدانىپ, باستى نازار جانۋاردىڭ انالىق باسىنىڭ ازىعىنا اۋدارىلعان.
«بىلتىر 330 شارۋاشىلىققا 702,6 ملن تەڭگە قارجى بەرىلدى. ونىڭ ىشىندە 329 شارۋا قوجالىققا 619,1 ملن تەڭگە مال ازىعىنا كەتكەن شىعىندى وتەۋگە تولەندى. ءار جىل سايىن بولىنگەن قارجىنى يەمدەنگەن ازاماتتار اۋىل شارۋاشىلىعىن دامىتىپ, ءتورت ت ۇلىك مالدىڭ كوبەيۋىنە ۇلەسىن قوسىپ كەلەدى. ءالى دە بىرنەشە شارۋا قوجالىقتارىنىڭ وتىنىشتەرىن قاراۋ ۇستىندەمىز. وتىنىمدەر قابىلداۋ ءجۇرىپ جاتىر», دەيدى وبلىستىق اۋىل شارۋاشىلىعى باسقارماسى مال شارۋاشىلىعى ءبولىمى باسشىسىنىڭ مىندەتىن اتقارۋشى اسحات شايحيەۆ.
2023 جىلى سۋبسيديا العانداردىڭ ءبىرى - انار داۋلەتكەرەي. ول مەملەكەتتەن 1 ملن 474 مىڭ تەڭگە قاراجات الىپ, جەم-ءشوپ ساتىپ الۋ ارقىلى مال شارۋاسىن دامىتىپ كەلەدى. ەكىنشى جىل قاتارىنان سۋبسيديا العان انار داۋلەتكەرەي مەملەكەت تاراپىنان اۋىل شارۋاشىلىعىن دامىتۋ ءۇشىن كوپ جاعداي جاسالعانىن ايتادى.
«بۇگىندە وزىممەن بىرگە تاعى 4 ادامدى جۇمىسپەن قامتىپ وتىرمىن. مەملەكەتتەن بەرىلەتىن سۋبسيديا جەم-ءشوپ ساتىپ الىپ, كاسىبىمدى ءارى قاراي دامىتۋعا ۇلكەن پايداسىن تيگىزىپ جاتىر. سۋبسيديا بولماسا شارۋاشىلىقتارعا وتە قيىن. بەرىلگەن قاراجاتتىڭ ارقاسىندا تۇيە, جىلقىلارىمىز قىستان امان-ەسەن شىعىپ, مال باسىن كوبەيتىپ جاتىرمىز», دەيدى انار داۋلەتكەرەي.
ايتا كەتەيىك, بيىل اۋىل شارۋاشىلىعىن دامىتۋ ءۇشىن 3 كاسىپكەر 15 ميلليون تەڭگە گرانتقا يە بولدى. ولاردىڭ ءبىرى ەشكى سۇتىنەن ونىمدەر ءوندىرۋ ارقىلى حالىققا پايداسىن تيگىزسە, ەندى ءبىرى قوي-تۇيە ءجۇنىن پايداعا اسىرىپ, كادەسىي دايىنداپ ءجۇر.
اقتورعىن وتەسباي
