2020 جىلى باستالعان زاۋىتتى كەڭەيتۋ جۇمىستارى قازىرگى ۋاقىتتا اياقتالۋعا جاقىن. جوبانى ىسكە اسىرۋ ناتيجەسىندە «كاسپيدە» اۋىز سۋ بەرۋ تاۋلىگىنە 40 مىڭ تەكشە مەترگە دەيىن ۇلعايۋعا ءتيىس, بۇل ءوڭىردى سۋمەن تۇراقتى تۇردە قامتىپ وتىرۋعا مۇمكىندىك بەرەدى.
كاسىپورىن ديرەكتورى نۇرلىباي اققۇلوۆ زاۋىتتى جاڭعىرتۋ بويىنشا جۇرگىزىلىپ جاتقان جۇمىستار تۋرالى باياندادى. ونىڭ ايتۋىنشا, جوبانى اياقتاۋ ءۇشىن قاجەتتى جابدىقتاردى ساتىپ الۋعا شامامەن 5 ملرد تەڭگە قاجەت.
پرەمەر-مينيستر ماڭعىستاۋ وبلىسىنداعى مۇنايلى, تۇپقاراعان جانە قاراقيا اۋداندارىنىڭ 180 مىڭ تۇرعىنى ءۇشىن بۇل جوبانىڭ ماڭىزى زور ەكەنىن اتاپ ءوتتى.
«ۇكىمەت ونى جاقىن ارادا اياقتاۋ ءۇشىن قاجەتتى قاراجاتتى بولەدى. وبلىس اكىمدىگى تۇششىلاندىرۋ زاۋىتىندا جاڭا وندىرىستىك قۋاتتاردى جەدەل ىسكە قوسۋ بويىنشا بارلىق شارانى قابىلداۋى قاجەت», دەدى ءاليحان سمايىلوۆ.
