كومبينات قىزمەتى بارلىق سانيتارلىق تالاپتارعا ساي جۇمىس ىستەپ, مال سويۋ, ەت وڭدەۋ تالاپتارى ساقتالىپ, اۆتوماتتاندىرىلعان جۇيە نەگىزىندە جۇمىس ىستەپ جاتىر. مۇندا اي سايىن 360 توننا ەت شىعارىلىپ, 100 توننا ەت ءونىمى وندىرىلەدى. ەتتەن جاسالاتىن جارتىلاي فابريكات ونىمدەرى, دەليكاتەستەر جانە اس ۇيگە قاجەت وزگە دە ونىمدەر بار.
كومبينات ديرەكتورىنىڭ ورىنباسارى نۇركەلدى ۇسەنوۆتىڭ ايتۋىنشا, بارلىق ءونىم قمدب-نىڭحالال ستاندارتىنا تولىق سايكەس كەلەدى.
– بارلىق كۇش-جىگەرىمىزدى ساپالى ءونىم ءوندىرىپ, وتانداستارىمىزعا ادال اس ۇسىنۋعا جۇمسايمىز. بۇعان قوسا, جەرگىلىكتى جاستاردى جۇمىسپەن قامتىپ, وسكەلەڭ ۇرپاققا كوپ مۇمكىندىك جاساپ وتىرمىز. وسى كۇنى كومپانيادا 140-قا جۋىق ادام ەڭبەك ەتەدى. ونىڭ 130-ى – جەرگىلىكتى تۇرعىندار. جوبا تولىق كۇشىنە ەنگەننەن كەيىن 200-دەن استام ازاماتتى جۇمىسپەن قامتۋدى كوزدەپ وتىرمىز, – دەدى ول.
ايتا كەتەيىك, الداعى 5 جىلدا پارتيا ماڭعىستاۋ وبلىسىنىڭ سايلاۋالدى باعدارلاماسىن جۇزەگە اسىرۋ اياسىندا جىل سايىن كەمىندە 15 ينۆەستيتسيالىق جوبانى, ونىڭ ىشىندە اۋىل شارۋاشىلىعى ونىمدەرىن, اتاپ ايتقاندا ەت, ءسۇت ءوندىرۋ, سونداي-اق قۇس فابريكاسىن سالۋ جوبالارىن جۇزەگە اسىرۋعا ىقپال ەتەدى. جاڭاوزەندە 500 باس ءىرى قارا مالعا ارنالعان بورداقىلاۋ الاڭى, مۇنايلى اۋدانىندا تاعى وسىنداي ەكى الاڭ سالىنادى.
سونداي-اق وبلىستىق «جەر اماناتى» كوميسسياسى زاڭسىز بولىنگەن نەمەسە پايدالانىلماي جاتقان جەرلەر مەن جايىلىمداردى مەملەكەت مەنشىگىنە قايتارۋعا كۇش سالادى. جىل سايىن ورتا ەسەپپەن 300 مىڭ گەكتار جەر قايتارىلادى.
