مەملەكەت باسشىسى تۇركىستاندا وتكەن ۇلتتىق قۇرىلتايدا بالا قۇقىعىن قورعاۋعا جانە وسكەلەڭ ۇرپاق تاربيەسىنە قاتىستى بىرنەشە ماڭىزدى ماسەلە كوتەرگەنىن ەسكە سالىپ, وتباسىلارعا جان-جاقتى كومەك كورسەتەتىن جۇيەنى قالىپتاستىرىپ, وتباسىن قولداۋ ورتالىقتارىن اشۋ, الەۋمەتتىك قولداۋدى كۇشەيتۋ, زاڭعا بالالاردىڭ قاۋىپسىزدىگى ءۇشىن جاۋاپكەرشىلىكتى قاتاڭداتاتىن وزگەرىستەر ەنگىزۋ ماڭىزدى ەكەنىن ايتتى.
سونىمەن قاتار پرەزيدەنت بالالار اراسىندا زورلىق-زومبىلىق جانە بۋللينگ فاكتىلەرى ءالى دە ازايماي تۇرعانىن اتاپ ءوتىپ, اتا-انالارمەن, قوعامدىق ۇيىمدارمەن, مۇددەلى مەملەكەتتىك قۇرىلىمدارمەن ءوزارا تىعىز جۇمىس ىستەۋ ماڭىزدى ەكەنىنە نازار اۋداردى.
كەزدەسۋ سوڭىندا پرەزيدەنت بالالار ومبۋدسمەنىنىڭ ءوز مىندەتىن ءتيىستى دەڭگەيدە اتقارۋى ءۇشىن مەملەكەت تاراپىنان قولداۋ كورسەتىلەتىنىن ايتىپ, بالالاردىڭ قۇقىعىن قورعاۋ ىسىندە جەرگىلىكتى اتقارۋشى ورگاندارمەن تىعىز قارىم-قاتىناس ورناتۋ جونىندە تاپسىرما بەردى.
