ۆەدومستۆو ۇسىنعان دەرەكتەرگە قاراعاندا, 2023 جىلعى 1 ماۋسىمداعى جاعداي بويىنشا ەل حالقىنىڭ سانى 19 879 003 ادامدى قۇرادى.
جىل باسىنان بەرى ەل حالقىنىڭ سانى 112 مىڭ ادامعا ءوستى, ونىڭ 105 مىڭى تابيعي ءوسىم ەسەبىنەن بولسا (تۋىلعاندار سانى ولگەندەر سانىنان استى), 6,9 مىڭ ادام – كوشىپ كەلگەن ازماتتار.
وڭىرلەر اراسىندا ەڭ كوپ حالىق سانى الماتى قالاسىندا – 2 185 596 ادام. حالىق سانى بويىنشا تۇركىستان وبلىسى ەكىنشى ورىندا تۇر – 2 132 208 ادام, الماتى وبلىسى العاشقى ۇشتىكتى – 1 516 506 اداممەن تۇيىندەدى.
استانا حالىق سانى بويىنشا ءتورتىنشى ورىندا – 1 376 528 ادام, جامبىل وبلىسى بەسىنشى ورىندا – 1 222 093 ادام.
حالىق سانىنىڭ ەڭ جوعارى ءوسىمى الماتى (+23 694 ادام), استانا (+21 972) قالالارىندا جانە تۇركىستان وبلىسىندا (12 982) بايقالدى.
حالىق سانى سولتۇستىك قازاقستان (-977 ادام), شىعىس قازاقستان (-425 ادام) جانە قوستاناي وبلىستارىندا (-374) ازايدى.
ايتا كەتەيىك, قازاقستان حالقى 2022 جىلى 261 845 ادامعا ءوستى.
