زاڭ سەنات وتىرىسىندا قارالىپ, ءبىرىنشى وقىلىمدا ماقۇلداندى.
زاڭ قولدانىستاعى نورماتيۆتىك قۇقىقتىق بازانى جەتىلدىرۋگە جانە جەكەلەگەن زاڭنامالىق اكتىلەردى نەگىزگى «ونلاين-پلاتفورمالار جانە ونلاين-جارناما تۋرالى» قازاقستان رەسپۋبليكاسى زاڭىنىڭ ەرەجەلەرىنە سايكەس كەلتىرۋگە باعىتتالعان.
وسى ورايدا اقپارات جانە قوعامدىق دامۋ ءمينيسترى قابىلدانعان زاڭ جوباسىنا قاتىستى پىكىر ءبىلدىردى.
- «ونلاين-پلاتفورمالار جانە ونلاين جارنامالار تۋرالى» زاڭ ورتالىق ازيادا العاش رەت قابىلدانىپ وتىر. جالپى, بۇل زاڭ جوباسى ءبىرىنشى كەزەكتە ازاماتتاردىڭ قۇقىعىن قورعاۋعا, ونلاين-ورتانى قاۋىپسىز جانە اشىق تۇردە دامىتۋعا باعىتتالعان. بۇگىنگى تاڭدا بارلىق ونلاين پلاتفورمالار ينتەرفەيستى قازاق تىلىندە پايدالانۋعا مۇمكىندىك بەرمەيدى. زاڭ جوباسى اياسىنداعى باستى ماسەلە – مەملەكەتتىك تىلدەگى ونلاين-پلاتفورمالار ينتەرفەيسىن دامىتۋ. جارنامالىق مازمۇندى ورنالاستىراتىن پايدالانۋشىلاردىڭ جارنامانى تاڭبالاۋ (ارنايى بەلگى قويۋ) قاجەتتىلىگىنە ەرەكشە ءمان بەرىلەدى, - دەپ جازدى دارحان قىدىرالى الەۋمەتتىك جەلى پاراقشاسىندا.
