الەمدىك رەيتينگتە ءۇشىنشى ساتىدا تۇرعان ەلىمىزدىڭ ماقتانىشى ەلەنا رىباكينا وتكەن جىلعى چەمپيوندىق اتاعىن قورعايدى.
قازىرگى كەزدە ىرىكتەۋ سايىستارى ءوتىپ جاتقان ۋيمبلدون جارىسىندا پولشا وكىلى يگا شۆەنتەك – ءبىرىنشى, بەلارۋس وكىلى ارينا سوبولەنكو ەكىنشى راكەتكا بولىپ تىركەلگەن. ولار تەك فينالعا شىققاندا عانا ءبىر-بىرىمەن باق سىناسا الادى.
«ۇلكەن دۋلىعا» دوداسىنىڭ وتكەن جىلعى ءفيناليسى, تۋنيستىك ونس جابەر التىنشى راكەتكا رەتىندە سىنعا تۇسەدى.
ايتا كەتەيىك قازاقستاننىڭ ەرلەر اراسىندا – ءبىرىنشى, الەمنىڭ 27-راكەتكاسى الەكساندر بۋبليك ۋيمبلدوندا العاش رەت تاڭداۋلىلار قاتارىندا باق سىنايدى. جۋىردا گاللەدەگى ءىرى جارىستا تاماشا ونەر كورسەتىپ, جەڭىمپاز اتانعان ا.بۋبليك جارىسقا 24-راكەتكا بولىپ قوسىلماق.
