«قۇرمەتتى دوستار!
بارشاڭىزدى قاسيەتتى قۇربان ايت مەيرامىمەن شىن جۇرەكتەن قۇتتىقتايمىن!
قۇربان ايت – بىرلىك پەن بەرەكەنىڭ جانە مەيىرىمدىلىك پەن قايىرىمدىلىقتىڭ مەرەكەسى. ايت كۇندەرى بارشا مۇسىلمان ءوزارا قامقورلىق پەن جاناشىرلىققا باسا ءمان بەرىپ, مۇقتاج جاندارعا قولداۋ كورسەتۋگە اسىعادى. مۇنداي قادام قوعامدا ىزگىلىكتىڭ اياسىن كەڭەيتىپ, ىرىس پەن ىنتىماقتى ارتتىرا تۇسەدى.
بۇل مەيرام ەلىمىزدە بەيبىتشىلىك پەن كەلىسىمدى نىعايتۋعا جانە تاتۋلىق پەن سىيلاستىقتىڭ ماڭىزىن تەرەڭ دارىپتەۋگە دە زور ىقپالىن تيگىزىپ كەلەدى. سوندىقتان قۇربان ايت بارشا قازاقستاندىق ءۇشىن ايرىقشا مانگە يە.
وسى ۇلىق مەرەكەمەن قۇتتىقتاي وتىرىپ, ەلىمىزگە اماندىق, جەرىمىزگە تىنىشتىق, ءار وتباسىنا باق-بەرەكە تىلەيمىن! شالعان قۇرباندىقتارىڭىز بەن تىلەگەن دۇعا-تىلەكتەرىڭىز قابىل بولسىن!», دەپ جازدى سەنات سپيكەرى.
