ءمينيستردىڭ ايتۋىنشا, بيىل ەلەكتر ستانتسيالارىندا 10 ەنەرگوبلوكتى, 49 قازاندىقتى جانە 54 تۋربينانى كۇردەلى جوندەۋ جوسپارلانعان.
«قازىرگى ۋاقىتتا 3 ەنەرگوبلوكتا, 19 قازاندىقتا جانە 8 تۋربينادا جۇمىستار جۇرگىزىلىپ جاتىر. 3 قازاندىق پەن 8 تۋربينادا جوندەۋ جۇمىستارى اياقتالدى. جوندەۋ جۇمىستارىن جۇرگىزۋ كەزىندە الداعى جىلىتۋ كەزەڭىندە قاۋىپتى ايماققا ەنگىزىلگەن ەنەرگەتيكالىق كاسىپورىندارعا ەرەكشە نازار اۋدارىلادى», دەدى مينيستر.
اتاپ ايتقاندا, ريددەر جەو-نىڭ بارلىق 6 قازاندىعىن جوندەۋدى باستاۋ ءۇشىن قاجەتتى شارالار قابىلداندى. اتالعان جۇمىس ەكىباستۇز, جەزقازعان, كەنتاۋ جانە ت. ب. جەو بويىنشا جۇرگىزىلىپ جاتىر.
