كوللاجدى جاساعان قونىسباي شەجىمباي, «EQ»
وسىدان ءبىر اي بۇرىن مينيستر جەڭىلدەتىلگەن اۆتونەسيە باعدارلاماسىنىڭ جاڭا شارتتارىنىڭ قايتا قاراستىرىلاتىنىن مالىمدەدى.
«بۇل (وزگەرىستەر – رەد.) ءبىرىنشى كەزەكتە باعدارلامانى جەتىلدىرۋ قاجەتتىلىگىمەن بايلانىستى. وزدەرىڭىز جاقسى بىلەسىزدەر, قازىر ۇلتتىق بانكتىڭ بازالىق ستاۆكاسى – 16 پايىز. ونداي كەزدە 4 پايىزبەن نەسيە بەرۋ – وتە جاقسى مولشەرلەمە. سوندىقتان بۇل پايىزدىق باعدارلامانى تابىستى جوبا دەپ ايتۋعا بولادى جانە ءبىز باعدارلامانى جەتىلدىرگىمىز كەلەدى. سونىڭ ىشىندە تالاپتاردىڭ ءبىرى – العاشقى جارنا جاعدايى», دەگەن بولاتىن قاراباەۆ.
وزگەرىس بويىنشا شەكتى جالاقى مولشەرى بەكىتىلىپ, بەلگىلەنگەن سومادان ارتىق جالاقى الاتىندار باعدارلاماعا قاتىستىرىلمايتىنىن ايتقان.
ء«بىز قاراستىرىپ, جاڭا شارتتاردى 15 مامىرعا دەيىن ايتامىز. باعدارلاما كەلەسى جولى ىسكە قوسىلعاندا بارلىق جەتىلدىرىلگەن تەتىكتەر جۇمىس ىستەيدى. ۇسىنىپ وتىرعان مەحانيزمدەر ادىلەتتى دەپ ويلايمىز. ناقتى ۇسىنىستار بولسا, تالقىلاۋعا دايىنبىز», دەپ تۇيىندەگەن.
ماۋسىمنىڭ باسىندا يندۋستريا جانە ينفراقۇرىلىمدىق دامۋ مينيسترلىگىنىڭ جەڭىلدەتىلگەن اۆتونەسيە باعدارلاماسىنا ءوتىنىم قابىلدايتىن autonesie.kz سايتىن پايدالانۋدان باس تارتاتىنى حابارلاندى.
ال پرەمەر-ءمينيستردىڭ ورىنباسارى رومان سكليار جاقىن ارادا مينيسترلىك پەن «بايتەرەك» بىرلەسىپ ورتاق شەشىم قابىلدايدى دەپ سەندىرگەن.
«اۆتونەسيە ماسەلەسى وزەكتى بولىپ تۇر. العىسى كەلەتىندەر وتە كوپ. اي سايىن ولار رەۆولۆەرلىك نەگىزدە 400 نەسيە عانا بەرە الادى. سۇرانىس وتەلمەيدى. سول سەبەپتى مينيسترلىك پەن «بايتەرەك» حولدينگى بۇل ماسەلە بويىنشا بىرلەسىپ شەشىم قابىلداماق. ول تۋرالى جاقىندا حابارلايدى», دەگەن ەدى ر.سكليار ءماجىلىس كۋلۋارىندا.
TENGENOMIKA ساراپشىلارىنىڭ ايتۋىنشا, باعدارلاما سيپاتىنىڭ وزگەرۋى دۇرىس شەشىم بولدى.
ء«بىز بۇل شەشىمدى تولىقتاي قولدايمىز. بۇل ءبىر جاعىنان كوپتەگەن ازاماتتار پايدالاناتىن قوعامدىق كولىكتەردىڭ جۇمىس ىستەۋىنە جاعداي جاسايدى. ەكىنشى جاعىنان, يندۋستريا جانە ينفراقۇرىلىمدىق دامۋ مينيسترلىگى وسى قادام ارقىلى جەڭىل اۆتوموبيل نارىعىنداعى الىپساتارلىق پەن دۇربەلەڭدى توقتاتتى. ەكونوميكادا مۇنداي جەڭىلدىكتى باعدارلامالاردىڭ بولۋى قارجىلىق رەپرەسسيا تۋدىراتىنىن (قارىز الۋدىڭ نارىقتىق مولشەرلەمەلەرىن ەلەمەيدى), اقىر سوڭىندا نارىقتاعى باعانىڭ الىپساتارلىق وسۋىنە اكەلەتىنىن بىرنەشە رەت جازعانبىز. مۇنداي جاعداي باسپانا نارىعىندا بولدى جانە ءالى بولىپ تا جاتىر. ۇكىمەت وسى شەشىمى ارقىلى جەكە كولىكتەرگە قاراعاندا قوعامدىق كولىكتەرگە باسىمدىق بەرەتىنىن اڭعارتتى. ويتكەنى بۇل – قوعام يگىلىگى ءۇشىن قيسىندى ءارى وڭ شەشىم. دامىعان ەلدەردىڭ تاجىريبەسى كورسەتىپ وتىرعانداي, قوعامدىق ترانسپورت جۇيەسىن ءاردايىم جەتىلدىرۋ, جاڭارتۋ قوعامنىڭ ەكونوميكالىق ءال-اۋقاتىنىڭ تۇزەلۋىنە وڭ ىقپالىن تيگىزەدى», دەيدى ساراپشىلار.
«اق جول» پارتياسىنىڭ وكىلدەرى جەڭىلدەتىلگەن اۆتونەسيە باعدارلاماسى جالعاسىن تابۋعا ءتيىس دەپ سانايدى.
«بيزنەس دەرەگى بويىنشا قازىرگى وپەراتور زاۋىتتىڭ توقتاۋى مەن تەكسەرىستى سىلتاۋ ەتىپ, وندىرۋشىلەردەن تۇسكەن قارجىنى ءتورت اي ىشىندە ۇلەستىرمەگەن. بۇل رەتتە ۋتيلالىمنان تۇسكەن اقشا قايدا كەتىپ جاتىر دەگەن ساۋال تۋىندايدى. مينيسترلىك بولسا 4 پايىزدىق جەڭىلدەتىلگەن اۆتونەسيەنى قارجىلاندىرۋدى توقتاتاتىنىن مالىمدەدى. ۋتيلالىم جۇيەسى ءوندىرىستى قامتاماسىز ەتۋ جانە وتانداستارىمىزدىڭ كولىككە قولجەتىمدىلىگىن ارتتىرۋ ءۇشىن جاسالماپ پا ەدى؟ شەنەۋنىكتەر بۇل جاعىن ۇمىتىپ كەتكەن سياقتى», دەيدى دەپۋتات ەرجان بەيسەنباەۆ.
ونىڭ سوزىنشە, ۋتيليزاتسيانى جۇزەگە اسىراتىن «Recycling Company» زاۋىتى روپ وپەراتورىنا قاتىستى قىلمىستىق ءىس اياسىندا ەكىنشى جىل قاتارىنان جۇمىس ىستەمەي تۇر. الايدا ۋتيليزاتسيانىڭ جۇزەگە اسپاي تۇرعانىنا قاراماستان «جاسىل دامۋ» اق ازاماتتار مەن بيزنەستەن ۋتيلالىم الۋدى جالعاستىرعان.
ايتا كەتەيىك, جەڭىلدەتىلگەن اۆتونەسيە باعدارلاماسى اياسىندا ەل ازاماتتارى 10 ملن تەڭگەگە دەيىنگى سومادا, العاشقى جارناسىز ءتۇرلى ماركاداعى كولىكتەردى راسىمدەۋ مۇمكىندىگىنە يە بولعان ەدى. ۇسىنىلعان كولىكتەر – Kia Picanto, Chevrolet Spark, Nexia, Cobalt, Hyundai Elantra, Accent جانە باسقالار.
