كەلىسىم بويىنشا مەتاللۋرگيا جانە پايدالى قازبالاردى ءوندىرۋ سالاسىندا عىلىم جانە تەحنولوگيالار ينستيتۋتى قۇرىلىپ, ينجەنەريا سالاسىنداعى ۇزدىك نەمىس عالىمدارىنىڭ تاجىريبەسى ەلىمىزدە قولعا الىنادى.
جوبانىڭ ماقساتى – شىعىس قازاقستان ءوڭىرىن وركەندەتۋ, ءال-اۋقاتىن ارتتىرۋ جانە ورنىقتى دامۋىن جۇزەگە اسىرۋ ءۇشىن زەرتتەۋلەر, ءبىلىم جانە يننوۆاتسيا ء«بىلىم ۇشتىگىنە» نەگىزدەلگەن پلاتفورما قۇرۋ.
«عىلىم جانە جوعارى ءبىلىم سالاسىنداعى ساياسات ءبىلىم مەن عىلىمدى ينتەرناتسيونالداندىرۋدى كەڭەيتۋگە, تۇراقتى جانە ءتيىمدى بايلانىستاردى قالىپتاستىرۋعا باعىتتالعان. ىنتىماقتاستىق نەگىزى ءۇش ءتۇرلى باعىتتا جۇرگىزىلەدى. ءبىرىنشىسى – ءبىلىم بەرۋ. بۇل مەتاللۋرگيا, ماشينا جاساۋ, گەولوگيا جانە تاۋ-كەن ءىسى, پايدالى قازبالاردى بايىتۋ, تۇراقتى دامۋ باعىتتارى بويىنشا ەكى ديپلومدى جانە بىرلەسكەن كادرلار دايارلاۋ. ەكىنشى باعىت – مەتاللۋرگيا جانە ماتەريالتانۋ, گەودەزيا, گەولوگيا جانە تاۋ-كەن ءىسى, تۇراقتى دامۋ سالاسىنداعى بىرلەسكەن زەرتتەۋلەر. ءۇشىنشى باعىت – يننوۆاتسيالار, عىلىم مەن ءوندىرىستىڭ يننوۆاتسيالىق كلاستەرىن, بىرلەسكەن عىلىمي جوبالار, بيزنەس-ينكۋباتور قۇرۋ جانە ستارتاپ جوبالاردى ىسكە قوسۋ. ەكسپەريمەنتتىك وندىرىستەر مەن قاناتقاقتى جەلىلەردى قۇرۋ», دەپ ءتۇسىندىردى د.سەرىكباەۆ اتىنداعى شقتۋ باسقارما توراعاسى, رەكتور ساۋلە راحمەتۋللينا.
مەتاللۋرگيا جانە پايدالى قازبالاردى ءوندىرۋ سالاسىندا جاڭا ينستيتۋتتىڭ قۇرىلۋى ەل عىلىمى مەن تەحنولوگيالارىن دامىتۋداعى, سونداي-اق ەكى ەل اراسىنداعى دوستىق قارىم-قاتىناستاردى نىعايتۋداعى ماڭىزدى قادام بولىپ وتىر.
شىعىس قازاقستان وبلىسى
