ونىڭ ايتۋىنشا, كولىكتەردى زاڭداستىرۋ اياقتالادى دەگەن كەزدە عانا ەل تۇرعىندارى مامانداندىرىلعان حالىققا قىزمەت كورسەتۋ ورتالىقتارىنا جاپپاي لاپ قويىپ, كولىكتەرىن تىركەتىپ جاتقان جايى بار. اسىرەسە مۇنداي جاعدايلار الماتى, استانا جانە شىمكەنت سەكىلدى ۇلكەن قالالاردا قاتتى بايقالىپ جاتىر.
– ءبىز شەتەلدىك كولىكتەردى تىركەمەي جۇرگەن ازاماتتاردىڭ ەڭ سوڭعى كۇندەرى قيمىلدايتىنىن الدىن الا بىلدىك. سونى ەسكەرە وتىرىپ حالىققا قىزمەت كورسەتۋ ورتالىقتارىنىڭ جۇمىس ۋاقىتىن ۇزارتتىق. ولار جۇمىس كۇندەرى كەشكى 7 جارىمعا دەيىن قۇجات قابىلداسا, دايىن قۇجاتتاردى 8 جارىمعا دەيىن بەرەدى. سوعان قاراماستان حالىقتىڭ كوپتىگىنەن جۇمىس وتە قاۋىرت. سەبەبى كريميناليستيكا قىزمەتكەرلەرىنىڭ كولىكتەردى تەكسەرۋى ءبىراز ۋاقىت الادى, – دەدى ءىىم وكىلى.
ونىڭ ايتۋىنشا, كولىكتەردى تىركەۋگە قۇجات قابىلداۋ 1 شىلدەگە دەيىن جالعاسادى. سوعان دەيىن ۇلگەرگەن ادامداردىڭ وتىنىشتەرى ودان ءارى دە قارالا بەرەدى. ياعني
1 شىلدەگە دەيىن قۇجاتتاردى قابىلداۋ عانا جۇرگىزىلسە, ودان كەيىن تىركەۋ باستالادى.
– وسى كۇنگەي دەيىن 177 مىڭنان استام اۆتوكولىك تىركەلدى. سونىڭ ىشىندە سوڭعى 10 كۇننىڭ ىشىندە 10 مىڭنان استام كولىك تىركەلىپ ۇلگەردى. ءبىزدىڭ ەسەبىمىزشە, ءالى دە تىركەۋگە رۇقسات العان 13 مىڭنان اسا كولىك بار, – دەدى التىنبەك جاماليەۆ.
