قاتىسۋشىلار قوسشىعا قاراي جول بويىنداعى اينالما ۆەلوجولدان باستالعان 25 قاشىقتىقتى باعىندىرىپ, ۇركەر ەلدى مەكەنىنە بارار جولداعى «جاسىل بەلدەۋ» ساياباعىندا مارەگە جەتتى. جارىسقا ۆەلوسيپەدى بار كەز-كەلگەن جاستاعى اۋەسقوي سپورتشى قاتىستى.
ءىس-شارانىڭ اشىلۋىنا استانا قالاسى اكىمىنىڭ ورىنباسارى ەرلان بەكمۇرزاەۆ, يندۋستريا جانە ينفراقۇرىلىمدىق دامۋ ۆيتسە-ءمينيسترى ءىلياس وسپانوۆ, سىرتقى ىستەر مينيسترلىگىنىڭ كوميتەت توراعاسى جان گاليەۆ قاتىسىپ, الدا كەلە جاتقان مەرەكەمەن قۇتتىقتادى.
بالا كەزدەن سپورتتى سەرىك ەتكەن 62 جاستاعى ەلەۋسىز پارداباي ەكىنشى رەت وسى جارىسقا قاتىسقانىن ايتىپ, ءوز ويىمەن ءبولىستى.
«ۆەلوجارىسقا قاتىسقاندا 62 جاستاعى زەينەتكەر ەكەنىمدى ۇمىتىپ كەتەمىن. سول سەبەپتى بارشاڭىزدى كۇندەلىكتى سپورتپەن اينالىسۋعا شاقىرامىن. مۇمكىندىكتەرىڭىز بولماسا, جاياۋ جۇرۋگە تىرىسىڭىزدار. ناتيجەسىندە دەنساۋلىقتارىڭىز مىقتى بولىپ, اۋىرمايتىن بولاسىزدار», دەيدى ول.
بۇقارالىق ۆەلوشەرۋ اياقتالعاننان كەيىن, مارەدە تىركەلگەن ۆەلوسيپەدشىلەر اراسىندا لوتورەيا ويناتىلىپ, قاتىسۋشىلار باعالى سىيلىقتارمەن ماراپاتتالدى.
ايتا كەتسەك, بۇل شاراعا جاقىندا عانا فرانتسيادا وتكەن بۇكىلالەمدىك VIRTUS ويىندارىندا ۆەلوسپورتتان 4 كۇمىس جۇلدە العان داستان ورداباي مەن 400-دەن استام قالا تۇرعىنى قاتىستى.
