ءىس-شارانىڭ اشىلۋ سالتاناتىنا تانىمال جۋرناليست, «اق جول» پارتياسى ۇلتتىق كەڭەسىنىڭ حاتشىسى ارمان سقابىل ۇلى, پارلامەنت سەناتىنىڭ دەپۋتاتى بيبىگۇل جەكسەنباي, «حابار» اگەنتتىگى» اق باسقارما توراعاسى بەرىك ءۋالي, بەلگىلى جۋرناليستەر قاينار ولجاي, دانا نۇرجىگىت, جاينا سلامبەك پەن امانگەلدى سەيىتحاننىڭ ۇلى بەگاسىل سەيىتحان قاتىستى.
تۋرنيردە اقپارات, مادەنيەت, ادەبيەت سالاسىنىڭ 40-تان اسا وكىلى ون ءۇش كومانداعا ء(ار كوماندادا 3 ويىنشى) ءبولىنىپ, جارىستىڭ باس جۇلدەسىن ساراپقا سالدى. ال تاستاياق باسەكەسىنە امانگەلدى سەيىتحاننىڭ ۇستازى, داڭقتى سپورت ءجۋرناليسى نەسىپ ءجۇنىسباي ۇلى تورەلىك ەتتى.
تۋرنير قورىتىندىسى بويىنشا «سپورت» گازەتىنىڭ جۋرناليستەرى جۇلدەلى ءۇشىنشى ورىنعا يە بولدى. بۇل كوماندانىڭ قۇرامىندا ارىپتەسىمىز, «Egemen Qazaqstan» گازەتىنىڭ الەۋمەت جانە سپورت ءبولىمىنىڭ ءتىلشىسى باقىتبەك قادىر دا بولعانىن ايتا كەتكەن ءجون. ەكىنشى ورىن «ۇلتتىق ارنا» كومانداسىنا بۇيىرسا, باس جۇلدەنى استانالىق قالامگەرلەر كومانداسى قانجىعاسىنا بايلاپ, جارىس جەڭىمپازى اتاندى.
جارىس سوڭىندا تۋرنيرگە قاتىسۋشىلار امانگەلدى سەيىتحان تۋرالى ەستەلىكتەر ايتىپ, ونىڭ تالانتتى جۋرناليست قانا ەمەس, ءوزىن ناعىز ازامات رەتىندە تانىتقانىن اتاپ ءوتتى. سونىمەن قاتار «اق جول» پارتياسىنىڭ توراعاسى ازات پەرۋاشەۆ قاتىسۋشىلاردى الدا كەلە جاتقان كاسىبي مەرەكەلەرىمەن قۇتتىقتاپ, قوناقتارعا العىسحاتتار مەن ەستەلىك سىيلىقتار تابىس ەتتى.
