«تۇتىنۋشىلاردىڭ كوبەيۋىنە, مەملەكەتتىڭ جاعدايىنا, ءوندىرۋشى كومپانيالاردىڭ سۇرانىستارىنا بايلانىستى سۇيىتىلعان گازدىڭ باعاسىن ءوسىرۋ دە كەرەك شىعار. بىراق بۇل ماسەلەدە اقىلداسىپ, جان-جاقتى پىسىقتاپ, ءار ءوڭىردىڭ جاعدايىن ەسكەرىپ ارەكەت ەتۋ قاجەت. ورتالىقتان شەشىم قابىلداي سالىپ, وڭىرلەردى تۋىندايتىن ماسەلەمەن بەتپە-بەت قالدىرىپ قويۋعا بولمايدى. سوندىقتان دەپۋتاتتار وسى ماسەلەگە باسا ءمان بەرىپ وتىر. ەگەر باعا وسەتىن بولسا, ول جۇمىستى كەزەڭ-كەزەڭىمەن جۇرگىزۋ كەرەك. ەڭ باستىسى, تىڭعىلىقتى زەرتتەپ, جەرگىلىكتى جەرلەردەگى ارىپتەستەرمەن كەڭەسىپ, ازاماتتاردىڭ پىكىرلەرىن ەسكەرىپ, الەۋمەتتىك وسال توپتارعا قولداۋ كورسەتە وتىرىپ شەشىم قابىلداۋ كەرەك», دەدى ماۋلەن اشىمباەۆ.
ايتا كەتەيىك, بۇگىن سەنات وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سۇيىتىلعان گاز اينالىمىن رەتتەۋ جانە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ەكى وقىلىمدا قارالىپ, ماقۇلداندى.
