مەملەكەتتىك اۋديت 47 مەملەكەتتىك مەكەمە مەن 44 تابيعي مونوپوليا سۋبەكتىسىندە جۇرگىزىلدى. دالىرەك ايتقاندا 140 ميلليارد تەڭگەدەن استام بيۋدجەت قاراجاتى مەن 480 ميلليارد تەڭگە اكتيۆتىڭ يگەرىلۋ تيىمدىلىگى سارالاندى.
ناتاليا گودۋنوۆانىڭ ايتۋىنشا, اۋديت ناتيجەسىندە 23 ملرد تەڭگە كولەمىندە قارجىلاي بۇزۋشىلىقتار, 37 ملرد تەڭگە كولەمىندە بيۋدجەت قاراجاتىن ءتيىمسىز جوسپارلاۋ, 117 ملرد تەڭگە كولەمىندە ەكونوميكالىق شىعىن مەن جوعالعان پايدا انىقتالدى.
ايتا كەتسەك, 2020-2022 جىلدار ارالىعىندا قازاقستاندا جىلۋمەن جابدىقتاۋ وبەكتىلەرىنىڭ قۇرىلىسىنا جانە جوندەۋ جۇمىستارىنا 250 ميلليارد تەڭگە, ونىڭ ىشىندە رەسپۋبليكالىق بيۋدجەتتەن 84 ميلليارد تەڭگە بولىنگەن
«بۇگىندە جىلۋمەن جابدىقتاۋ وبەكتىلەرى توزىپ كەتكەنىن بايقاپ وتىرمىز. جەو جابدىقتارى رەسپۋبليكا بويىنشا ورتا ەسەپپەن 66%-عا توزعان. جىلۋ جەلىلەرىنىڭ توزۋى 54%-دى قۇراپ وتىر. جەو جالپى سانىنان 76%-ىنىڭ پايدالانۋ مەرزىمى 50 جىلدان اسقان. 24%-ىنىڭ پايدالانۋ مەرزىمى 30 جىلدان اسقان. جەو-نىڭ ورتاشا قىزمەت ەتۋ مەرزىمى – 61 جىل», دەدى ناتاليا گودۋنوۆا.
