ەرلان اقكەنجەنوۆ 1979 جىلى الماتىدا دۇنيەگە كەلگەن. «ادىلەت» جوعارى زاڭ مەكتەبىن, «استانا» ۋنيۆەرسيتەتىن بىتىرگەن.
ەڭبەك جولىن 2002 جىلى جەكە ۇيىمدا باس مامان بولىپ باستاعان. 2004-2012 جىلدارى مۇناي-گاز سالاسىندا باسشىلىق قىزمەتتەردە جۇمىس ىستەدى. 2012-2016 جىلدارى KMG International (Rompetrol) كومپانياسىندا باس مەنەدجەر, ساۋدا جونىندەگى اعا باسقارۋشى ديرەكتور بولىپ جۇمىس ىستەدى. 2016-2022 جىلدار ارالىعىندا كوممەرتسيالىق قۇرىلىمداردا جۇمىس ىستەگەن.
2022 جىلدىڭ شىلدەسىنەن قازىرگى ۋاقىتقا دەيىن «قازمۇنايگاز» ۇك» اق مۇناي ونىمدەرىنىڭ ماركەتينگى دەپارتامەنتىنىڭ باسشىسى قىزمەتىن اتقاردى.
