حالىقارالىق شاراعا 34 ەلدەن 40-تان اسا سپيكەر ارنايى كەلدى. ولار ەكى كۇنگە سوزىلاتىن فورۋم اياسىندا ءسوز سويلەپ, تاجىريبەلەرىمەن بولىسكەلى وتىر. ولاردىڭ اراسىندا بۇۇ ەرىكتىلەر باعدارلاماسىنىڭ اتقارۋشى ۇيلەستىرۋشىسى تويلي كۋربانوۆ, رەجيسسەر, «مادەني باستامالار» قورىنىڭ قۇرىلتايشىسى ت.بەكمامبەتوۆ, بۇۇ بالالار قورىنىڭ (يۋنيسەف) قازاقستانداعى وكىلدىگىنىڭ باسشىسى ارتۋر ۆان ديزەن, وزبەكستان ۆولونتەرلەر اسسوتسياتسياسىنىڭ باسشىسى شيرين ابيدوۆا, مۋزىكانت, «AHBAP» اسسوتسياتسياسىنىڭ» پرەزيدەنتى حالۋك لەۆەنت جانە باسقالارى بار.
ءىس-شاراعا قازاقستاننىڭ بارلىق وڭىرلەرىنەن دەلەگاتتار قاتىسىپ جاتىر. جالپى فورۋمعا 400-گە جۋىق ادام قاتىسىپ وتىر. ونىڭ 140-ى حالىقارالىق ۇيىمداردىڭ وكىلدەرى مەن شەتەلدىك قاتىسۋشىلار.
«حالىقارالىق ۆولونتەرلىك باستامالار: تاسىلدەر مەن تاجىريبەلەر» تاقىرىبىندا وتەتىن ءبىرىنشى پانەلدىك سەسسيانىڭ وتىرىسىندا تۇركى مەملەكەتتەرى ۇيىمىنىڭ باس حاتشىسى كۋبانىچبەك ومۋراليەۆ, بۇۇ قازاقستان رەسپۋبليكاسىنداعى تۇراقتى ۇيلەستىرۋشىسى ميكاەلا فريبەرگ-ستوري, رەجيسسەر, «مادەني باستامالار» قورىنىڭ قۇرىلتايشىسى تيمۋر بەكمامبەتوۆ, قر پارلامەنتى سەناتىنىڭ دەپۋتاتى نۇرتورە ءجۇسىپ, قازاقستانداعى يۋنفپا وكىلى جانە تۇركىمەنستان مەن قىرعىزستان بويىنشا ەلدىك ديرەكتورى رونني ليندستورم, بىرىككەن ۇلتتار ۇيىمىنىڭ ەرىكتىلەر باعدارلاماسى اياسىنداعى ايماقتىق ساياسات مامانى ەميليا اسادوۆا ءسوز سويلەيدى.
