ءبىر جىل بۇرىن KMF-ءتىڭ Agile-گە كوشۋ ەكسپەريمەنتى تۋرالى شەشىم قابىلداندى. سونىمەن قاتار كومپانيا كليەنتكە دەگەن قۇرمەتىن جانە ولاردىڭ بيزنەسىن دامىتۋعا نەگىزدەلگەن, 25 جىل بويى ۇستانىپ كەلە جاتقان باستى قۇندىلىقتارىن ساقتاۋعا تىرىستى. Agile ءوز كەزەگىندە كليەنتتەردىڭ بارلىق تالابىنا سايكەس كەلەتىن قىزمەتتەردى ءتيىمدى دە جىلدام ەنگىزۋگە مۇمكىندىك بەرەتىن درايۆەرگە اينالدى.
جاڭا ساپالىق دەڭگەيگە كوشۋ ترەنينگتەردەن باستالدى. كومپانيا ماماندارىنىڭ ايتۋىنشا, بۇل ترانسفورماتسيانى سىناق دەۋگە بولادى. سەبەبى, بىرىنشىدەن, بۇل – بۇرىنعى جايلى ءارى ۇيرەنشىكتى داعدىلاردان ارىلۋ جانە جوبالاردا مۇمكىندىگىنشە اشىق بولۋ. ەكىنشىدەن, جاڭا تسيفرلىق رەلستەردى قايتا قۇرۋ ىسپەتتى. الەكساندرا كوۆالەۆا اgile-گە بايلانىستى وتكەن ترەنينگتەردىڭ العاشقى قاتىسۋشىلارىنىڭ ءبىرى بولدى. تاۋەكەلدەر جونىندەگى ديرەكتور لاۋازىمىنا يە بولعان ول ءوزى دە تاۋەكەلگە بارعانىن جانە سول ءۇشىن ەش وكىنبەيتىنىن ايتادى. ونىڭ ايتۋىنشا, مۇنداي شەشىم – كىمنىڭ بولسىن ءوز قارىم-قابىلەتىن سىناپ كورۋدىڭ تاماشا مۇمكىندىگى.
سۋرەتتە: KMF جەكە مەنەدجەرى جانە كومپانيا كليەنتى.
«ماعان KMF-تەگى Agile-ءدى باسقارۋ ۇسىنىلعاندا مەن ونى سىناق رەتىندە قابىلدادىم. دەگەنمەن كليەنتتەرىمىز ءۇشىن پايدالى بولاتىن تسيفرلىق ونىمدەردى شىعارۋ ۇدەرىسىنىڭ باسى-قاسىندا بولعىم كەلدى. قازىر كليەنتتەرىمىزدىڭ سانى 260 مىڭنان اسادى. وسىلايشا, Agile ديرەكتورى رەتىندە ءومىر جولىم باستالدى», دەپ ەسكە الدى الەكساندرا كوۆالەۆا. ارنايى ءبىلىم الىپ, بۇل باعىتتى جەتىك مەڭگەرگەن Agile ىسكەرلەر توبى كليەنتتەردىڭ KMF-پەن جىلدام جۇمىس ىستەۋى ءۇشىن تسيفرلىق قىزمەت كورسەتۋدى ىسكە قوسۋ ماقساتىن العا قويعان.
«KMF-تە Agile دارىپتەلمەگەن ەدى. قيىندىقتاردىڭ ءالى دە الدا ەكەنىن جاقسى تۇسىندىك. ومىرىمىزدە «رەتروسپەكتيۆا, بەكلوگ, دەمو, دەيلي ميتينگ» دەگەن سياقتى جاڭا ۇعىمدار پايدا بولدى. ءتارتىپ پەن ونىمدىلىك ءتاسىلى ارقىلى جۇمىسىمىزدى ايتارلىقتاي وزگەرتە باستادىق. ءبىرىنشى كەزەكتە جۇمىستاعى تاپسىرمالار ءتىزىمىن قىسقارتتىق, ەڭ نەگىزگىسىن بەلگىلەپ, كوماندا جۇمىسىن ەڭ ماڭىزدى ءارى قولدان كەلەتىن جوبالارعا قاراي باعىتتادىق. سونداي-اق «بلوكەرلەر» دەپ اتالاتىن كەدەرگىلەردى جويۋعا كىرىستىك», دەيدى ا.كوۆالەۆا.
قازىرگى تاڭدا بۇل كوماندا كليەنتتەر مەن قىزمەتكەرلەرگە ارنالعان ءموبيلدى قوسىمشانى جاقسارتۋعا, نەسيەلىك قۇجاتتاردى تسيفرلاندىرۋ مەن CRM جۇيەسىن جەتىلدىرۋگە بار كۇش-جىگەرىن سالىپ جاتىر.
«ايتا كەتەيىك, KMF كليەنتتەرىنىڭ باسىم بولىگى – اۋىلدى جەردىڭ كاسىپكەرلەرى. بالكىم, ءىت, تسيفرلاندىرۋ, Agile نەمەسە زاماناۋي تەحنولوگيالار ۇعىمىن اۋىلمەن سايكەستەندىرۋ ادەتتەگىدەن قيىنىراق بولۋى مۇمكىن. بىراق بۇل قالىپتاسىپ قالعان پىكىرگە ءبىز بار داۋىسىمىزبەن «جوق!» دەيمىز. KMF كليەنتتەرى, ونىڭ ىشىندە شالعاي اۋىلدار مەن وڭىرلەردەگى تۇتىنۋشىلار Agile قىزمەتىن تولىققاندى پايدالانىپ وتىر. ولار ءۇشىن بولىمشەلەرگە بارىپ-قايتاتىن ۋاقىتتى ۇنەمدەپ, ونى ءوز كاسىبىنە ارناۋ اسا ماڭىزدى.
ءبىز ءموبيلدى قوسىمشامىزدى ايتارلىقتاي جاڭارتتىق. كليەنتتەرىمىز ەش قيىندىقسىز, بىرەر مينۋتتىڭ ىشىندە بەلگىلى ءبىر سومانى كەز كەلگەن بانك كارتاسىنان الا الادى. كوپ قاعاز جيناپ ءجۇرۋدىڭ قاجەتى جوق. انىقتامالاردى دا ءبىر-ەكى تۇيمەنى باسىپ, ونلاين الۋعا بولادى. جاقىندا بيزنەس-كليەنتتەرىمىزگە تاعى ءبىر جاڭالىق ۇسىنامىز, ول – ىسكەر ادامنىڭ قارجى ەسەپتەرىن جۇرگىزۋدە كەرەمەت كومەكشى بولاتىن قارجى داپتەرى», دەدى الەكساندرا.
KMF بولىمشەلەرىنە كەلۋدى قالايتىندارعا دا بارلىق جاعداي جاسالعان. كەڭسەلەردە تەگىن wi-fi بار, ال كوپتەگەن ۇدەرىس تسيفرلىق فورماتقا كوشكەن. ءتىپتى بولىمشەگە كەلگەن كليەنتتەرگە كوپ قۇجاتقا قول قويۋدىڭ دا قاجەتى جوق. بىرەر سەكۋند ىشىندە ەتسق نەمەسە SMS كومەگىمەن ءموبيلدى قوسىمشادا قۇجاتتارعا قول قويىپ, ماقۇلدانعان سومانى الۋعا بولادى.
«ەلەكتروندى كەلىسىمشارتتار بارلىق كومپانيالار ءۇشىن قولايلى. سەبەبى, بىرىنشىدەن, كليەنتتەرگە قىزمەت كورسەتۋ ساپاسى جاقسارادى, بولىمشەلەر جۇمىسىنىڭ جىلدامدىعى ارتىپ, مەنەدجەرلەر جۇمىسىنا تۇسەتىن سالماق ازايادى. ەكىنشىدەن, ەكولوگيا ءۇشىن دە تاپتىرماس كومەك. ءبىز قارجىلاندىرۋعا جاۋاپكەرشىلىكپەن قاراۋدى قولدايمىز جانە تسيفرلىق شەشىمدەردى ەنگىزۋمەن قاتار, رەسۋرستاردى سانالى تۇتىنۋ مەن ساقتاۋ باعىتىنا بەت الدىق», دەيدى ا.كوۆالەۆا.
كومپانيا جىلدار بويى كاسىبي مامان قالىپتاستىرۋ ىسىنە باسا ءمان بەردى, جەكە مەنەدجەرلەر – سول يگى جۇمىستىڭ ناتيجەسى. ولار وتىنىمدەردى راسىمدەۋ, بيزنەستى باعالاۋ نەمەسە ونىمدەر مەن قىزمەتتەر بويىنشا كەڭەس بەرۋ ءۇشىن كليەنتتەرىنە وزدەرى بارادى. كومپانيا مەنەدجەرلەرى قوسىمشاسى بار سمارتفوندارمەن جابدىقتالعان, بار بولعانى بىرنەشە تەتىكتى باسۋ ارقىلى ميكروقارجىلاندىرۋعا ءوتىنىم بەرۋگە, الدىن الا ماقۇلداۋدى الۋعا, تولەم كەستەسىمەن تانىسۋعا جانە تاعى باسقا قىزمەتكە قول جەتكىزۋگە بولادى. كليەنت ىستەۋگە ءتيىس جالعىز شارۋا – قاجەتتى سومانى الىپ, ءوز بيزنەسىن دامىتۋ.
«KMF كليەنتتەرى – ەكونوميكانىڭ ءتۇرلى سالاسىندا قىزمەت ەتەتىن كاسىپكەرلەر. ولاردىڭ كوپشىلىگى بيزنەستەرىن ءوز بەتىنشە جۇرگىزەدى. سوندىقتان ءبىز ولاردىڭ كومپانيامەن قارىم-قاتىناسىن بارىنشا جەڭىلدەتۋگە تىرىسامىز. مىسالى, قىزمەتكەردىڭ ءموبيلدى قوسىمشاسىنداعى فۋنكتسيالار ۇنەمى جاڭارتىلىپ وتىرادى, ءبىز ونى مەنەدجەرلەردىڭ جۇمىسىن جەڭىلدەتەتىن, كليەنتتەرگە بيزنەس ورنىندا تەز جانە ساپالى قىزمەت كورسەتۋگە مۇمكىندىك بەرەتىن جاڭا «فيچتەرمەن» تولىقتىرىپ وتىرامىز», دەيدى ا.كوۆالەۆا.
بۇگىنگى تاڭدا KMF ءوز كليەنتتەرىنە ىڭعايلى تسيفرلىق قىزمەتتىڭ كوپتەگەن ءتۇرىن ۇسىنىپ وتىر, بۇل ولاردىڭ قارجى ۇيىمىمەن جۇمىس ىستەۋ كەزىندە بولاتىن ۇدەرىستەرگە الاڭداماي, كاسىبىن ودان ءارى جۇرگىزە بەرۋىنە مۇمكىندىك بەرەدى. KMF ماماندارىنىڭ ايتۋىنشا, Agile تسيفرلىق ترانسفورماتسيادا باسقارۋدىڭ بارلىق دەڭگەيىنە ەنىپ, ءوز فيلوسوفياسىن قالىپتاستىرىپ, نەگىزگى رولدەردىڭ ءبىرىن اتقارادى.
ميكروقارجىلىق قىزمەتتى جۇزەگە اسىرۋ قۇقىعىن بەرەتىن قنردا-نىڭ 26.02.2021 جىلعى №02.21.0003.M ليتسەنزياسى.
الماتى
