قۇرىلتايدا پرەزيدەنت ءتىل ماسەلەسىن بايىپپەن شەشۋ كەرەگىن ايتتى. شىنىمەن دە, مەملەكەت قازاق ءتىلىن ۇيرەنۋگە بار جاعدايدى جاسادى. وعان ەشقانداي كەدەرگى جوق. ءتىپتى وزگە ۇلت وكىلدەرىنىڭ ەمىن-ەركىن مەڭگەرۋىنە قولايلى مۇمكىندىك قاراستىرىلعان. ماسەلەن, الماتىداعى ۇيعىر ەتنومادەني ورتالىعىندا قازاق ءتىلىن وقىتاتىن جەكسەنبىلىك مەكتەپ بار. ءتىلدى مەڭگەرۋگە قۇلشىنىس جۇرەكتەن شىعۋعا ءتيىس. ادامدا قالاۋ بولماسا, قىرۋار قارجى بولىنسە دە, ءتىلدى وقىپ جارىتپايدى. ال جۇرەكتى اشاتىن قۇرال – پاتريوتيزم. اسىرەسە ۇلتتىق پاتريوتيزمگە بالانى جاستاي, بالاباقشادان باۋلۋ كەرەك. سونىڭ ىشىندە بالالارعا ارنالعان مۋلتفيلمدەردە حالقىمىزدىڭ باتىرلارى كوبىرەك كورسەتىلسە. بالدىرعاندار سولارعا ەلىكتەپ ەلىن سۇيەتىن, جەرىن قورعايتىن ەر-ازامات بولىپ وسۋگە تالپىنار ەدى.
جالپى, بالالارعا ارنالعان وقۋلىقتار, ولارعا بەرىلەتىن تاربيە جايىندا پرەزيدەنت جاقسى وي ءوربىتتى. مۇنىڭ بارلىعى ەل دامۋىنىڭ الداعى ستراتەگيالىق جوسپارىنا كىرەتىنى مەنى ەرەكشە قۋانتتى.
شايماردان نۋرۋموۆ,
قازاقستان ۇيعىرلارىنىڭ رەسپۋبليكالىق ەتنومادەني بىرلەستىگىنىڭ توراعاسى
