ادام رەسۋرستارىنىڭ ساپاسىن دەنساۋلىق, ءبىلىم, بىلىك انىقتايدى. ول ادامي كاپيتالعا, ۇلتتىق قۇندىلىققا اينالۋى ءۇشىن ۇلت بولىپ ۇيىسۋ ماڭىزدى. ونىڭ ىشىندە مەن ەڭبەك ادامىن قۇرمەتتەۋ ماسەلەسى قوزعالعانىنا ەرەكشە قۋانىپ وتىرمىن. بىلتىر ۇلىتاۋداعى قۇرىلتايدا ەڭبەك تۋرالى ارنايى ماسەلە كوتەرىپ ەدىم. مەنىڭ ويىمشا, ەڭبەك كۇنىن اتاپ ءوتۋدىڭ جاڭا تۇجىرىمداماسى قاجەت. ەڭبەك ەرى دەگەن اتاق تا سول ەڭبەك كۇنى بەرىلسە دەيمىن. وزات ەڭبەككەردىڭ تاجىريبەسى, ءومىر جولى, جەتكەن جەتىستىگى سول قۋانىشتى كۇندە ناسيحاتتالسا, جاستارمەن ءتۇرلى كەزدەسۋ ۇيىمداستىرىلىپ, ءارتۇرلى حابارلار تاراتىلسا, بالالاردىڭ بويىندا ەڭبەكپەن بيىك بەلەسكە, قۇرمەتكە جەتۋگە بولادى دەگەن ۇعىم قالىپتاسار ەدى. سوندىقتان ەڭبەك ءاردايىم دۇرىس باعالانۋعا ءتيىس. ىشكى جالپى ءونىم مەن جالاقى وسسە, ەكىنشىدەن ەڭبەك ادامىن قورعايتىن كاسىپوداقتار ءرولى وسسە يگى. ەلدىڭ الەۋمەتتىك دامۋىندا ەڭبەك ادامى, جۇمىس بەرۋشى جانە مەملەكەت دەيتىن ءۇش تاعاننىڭ تەپە-تەڭدىگىن قامتاماسىز ەتۋىمىز كەرەك.
ءاليحان بايمەنوۆ,
«استانا مەملەكەتتىك قىزمەت حابىنىڭ» توراعاسى
