«قالا مەن تۇرعىنداردىڭ ءوسۋىن نازارعا الا وتىرىپ, تىرشىلىكتى قامتاماسىز ەتۋ جۇيەلەرىنىڭ نىساندارىن سالۋمەن بىرگە, جول ينفراقۇرىلىمىن دامىتۋعا دا كوڭىل بولەمىز. بيىل قالاعا 400 اۆتوبۋس جەتكىزەمىز. ال باسىم بولىگى شىلدە ايىنان باستاپ جەتكىزىلە باستايدى», دەپ جازدى اكىم.
سونداي-اق ەلوردا باسشىسى قالا جولدارىنداعى كولىك اعىنىن سەيىلتۋ ءۇشىن بيىل ەسىل وزەنى ارقىلى وتەتىن تاۋەلسىزدىك داڭعىلىنداعى كوپىردىڭ قۇرىلىسى اياقتالاتىنىن اتاپ ءوتتى.
«بۇل كوپىر جولدارداعى كەپتەلىستى ەداۋىر جەڭىلدەتۋگە مۇمكىندىك بەرەدى, سول سياقتى سول جاعالاۋدى تاۋەلسىزدىك داڭعىلىمەن, جاڭا تەمىرجول ۆوكزالىمەن, قوشقارباەۆ داڭعىلىمەن, ناجىمەدەنوۆ كوشەسىمەن, ازىرەت سۇلتان مەشىتى اۋدانىمەن, بايتۇرسىنوۆ, قورداي, ايناكول كوشەلەرىمەن, مومىش ۇلى داڭعىلىمەن جانە ت.ب. قوسىمشا بايلانىستى قامتاماسىز ەتەدى», دەدى ج.قاسىمبەك.
سونىمەن قاتار بارلىق اۋداندا جول جوندەۋ جۇمىسى ءجۇرىپ جاتىر. بيىل ۇزىندىعى 54 كم-دەن اساتىن 70-تەن استام كوشەنى جوندەۋ جوسپارلانىپ وتىر.
«ماسەلەن ولار عۇمار قاراش, قورداي, بۋراباي, بەلجايلاۋ كوشەلەرى, كەنەسارى كوشەسىنىڭ عابدۋللين كوشەسىنەن رەسپۋبليكا داڭعىلىنا دەيىنگى ارالىعى, ءۋاليحانوۆ كوشەسىنىڭ كراۆتسوۆا كوشەسىنەن بوگەنباي باتىر داڭعىلىنا دەيىنگى ارالىعى, تاشەنوۆ كوشەسىنىڭ رەسپۋبليكا داڭعىلىنان اممان كوشەسىنە دەيىنگى تۇسى, يمانباەۆا كوشەسىنىڭ يمانوۆ كوشەسىنەن كەنەسارىعا دەيىنگى اۋماعى, ءال-فارابي داڭعىلىنىڭ الاش تاسجولىنان پۋشكين كوشەسىنە دەيىنگى جەرى, جەڭىس داڭعىلىنىڭ بوگەنباي باتىر تۇسىنان كەنەسارى كوشەسىنە دەيىنگى ارالىعى, ەڭبەكشىلەر كوشەسىنىڭ قۇرىلىسى ۇلى دالا داڭعىلىنان بۇقار جىراۋ كوشەسىنە دەيىنگى تۇسى; رىسقۇلوۆ كوشەسىنىڭ ماڭگىلىك ەل داڭعىلىنان قايسەنوۆ كوشەسىنە دەيىنگى ارالىعى, سارىارقا, ر.قوشقارباەۆ داڭعىلدارى جانە ت.ب. بيىل شامامەن 300 كوشە جوندەۋدەن وتەدى», دەپ جازدى ەلوردا اكىمى.
