مارات مۇحانبەتقازى ۇلى ءتاجين 1960 جىلى 8 ساۋىردە اقتوبە قالاسىندا دۇنيەگە كەلدى.
1981 جىلى الماتى حالىق شارۋاشىلىعى ينستيتۋتىن, ەكونوميست ماماندىعى بويىنشا بىتىرگەن. فيلوسوفيا عىلىمدارىنىڭ كانديداتى (1985). الەۋمەتتانۋ عىلىمدارىنىڭ دوكتورى (1988). لوندون ۋنيۆەرسيتەتىنىڭ دوكتورانتى (1988). پروفەسسور (1993 جىل). ىستانبۇل ۋنيۆەرسيتەتىنىڭ قۇرمەتتى پروفەسسورى (2008 جىل).
قازاقستان رەسپۋبليكاسى الەۋمەتتىك عىلىمدار اكادەمياسىنىڭ اكادەميگى, رەسەيدىڭ الەۋمەتتىك عىلىمدار اكادەمياسىنىڭ اكادەميگى, رەسەيدىڭ جاراتىلىستانۋ عىلىمدارى اكادەمياسىنىڭ شەتەلدىك اكادەميگى, قازاقستان رەسپۋبليكاسى ساياسي عىلىمدار اكادەمياسىنىڭ اكادەميگى جانە پرەزيدەنتى, قازاقستان رەسپۋبليكاسى الەۋمەتتانۋشىلار قاۋىمداستىعىنىڭ پرەزيدەنتى, تۇركى تىلدەس ەلدەر الەۋمەتتانۋشىلار وداعىنىڭ پرەزيدەنتى.
1981 جىلدان باستاپ – قازكسر عىلىم اكادەمياسى وندىرىستىك كۇشتەردى زەرتتەۋ جونىندەگى كەڭەستىڭ كىشى عىلىمي قىزمەتكەرى. 1983-1987 جىلدارى – اسپيرانت, س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ وقىتۋشىسى. 1991 جىلى – ءال-فارابي اتىنداعى قازمۋ جانىنداعى قوعامدىق عىلىمدار وقىتۋشىلارىنىڭ بىلىكتىلىگىن ارتتىرۋ ينستيتۋتىنىڭ كافەدرا مەڭگەرۋشىسى.
1992 جىلى – قازاقستان رەسپۋبليكاسىنىڭ پرەزيدەنتى جانە مينيسترلەر كابينەتى اپپاراتىنىڭ ىشكى ساياسات ءبولىمى مەڭگەرۋشىسىنىڭ ورىنباسارى; قازاقستان رەسپۋبليكاسىنىڭ پرەزيدەنتى جانە مينيسترلەر كابينەتى اپپاراتىنىڭ اقپاراتتىق-تالداۋ ورتالىعىنىڭ جەتەكشىسى; قازاقستان رەسپۋبليكاسىنىڭ پرەزيدەنتى اپپاراتىنىڭ ىشكى ساياسات ءبولىمىنىڭ مەڭگەرۋشىسى.
1993 جىلى – قازاقستان رەسپۋبليكاسىنىڭ پرەزيدەنتى اپپاراتى باسشىسىنىڭ ورىنباسارى – قازاقستان رەسپۋبليكاسىنىڭ پرەزيدەنتى اپپاراتىنىڭ اقپاراتتىق-تالداۋ ورتالىعىنىڭ جەتەكشىسى. 1994 جىلى – قازاقستان رەسپۋبليكاسى پرەزيدەنتىنىڭ مەملەكەتتىك كەڭەسشىسى – قازاقستان رەسپۋبليكاسىنىڭ پرەزيدەنتى اپپاراتىنىڭ اقپاراتتىق-تالداۋ ورتالىعىنىڭ جەتەكشىسى.
1995 جىلى – قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ورىنباسارى – قازاقستان رەسپۋبليكاسىنىڭ پرەزيدەنتى اكىمشىلىگى تالداۋ جانە ستراتەگيالىق زەرتتەۋلەر ورتالىعىنىڭ جەتەكشىسى. 1999 جىلى – قازاقستان رەسپۋبليكاسى پرەزيدەنتىنىڭ ۇلتتىق قاۋىپسىزدىك ماسەلەلەرى جونىندەگى كومەكشىسى.
2000 جىلى – قازاقستان رەسپۋبليكاسى سىبايلاس جەمقورلىقپەن كۇرەس جونىندەگى مەملەكەتتىك كوميسسيا توراعاسى. 2001 جىلى – قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى. 2001 جىلى – قازاقستان رەسپۋبليكاسى پرەزيدەنتىنىڭ ۇلتتىق قاۋىپسىزدىك ماسەلەلەرى جونىندەگى كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى. 2002 جىلى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.
2006 جىلى – قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى. 2007 جىلى – قازاقستان رەسپۋبليكاسىنىڭ سىرتقى ىستەر ءمينيسترى. 2009 جىلى – قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.
2013 جىلى – قازاقستان رەسپۋبليكاسىنىڭ مەملەكەتتىك حاتشىسى. 2014 جىلى – قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى. 2017 جىلى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.
2019 جىلى 1 ناۋرىزدا مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالدى.
2019 جىلدىڭ قاراشا ايىنان بەرى قازاقستان رەسپۋبليكاسىنىڭ مەملەكەت قايراتكەرى, قازاقستان رەسپۋبليكاسىنىڭ چەح رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقاردى.
«قۇرمەت» (2002), ءى دارەجەلى «بارىس» (2007), ءىى دارەجەلى «بارىس» (2016) وردەندەرىمەن جانە التى مەدالمەن ماراپاتتالعان. قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ قۇرمەتتى قىزمەتكەرى. توتەنشە جانە وكىلەتتى ەلشى دارەجەسىنە يە.
