تابيعي ءورت ورنىندا ودان ءارى قاراۋىلداۋ جۇمىسىن ەكولوگيا جانە تابيعي رەسۋرستار مينيسترلىگىنىڭ ورمان ءورت ستانتسيالارى, تجم ءورت ءسوندىرۋ بولىمشەلەرى جانە اۋە كەمەلەرى قامتاماسىز ەتەدى.
توتەنشە جاعدايلار ءمينيسترى ورت سوندىرۋشىلەرگە كورسەتكەن ەرجۇرەكتىلىك پەن باتىرلىق, جوعارى كاسىبيلىكتەرى ءۇشىن العىس ايتتى.
ءورت ۋچاسكەلەرىندە اشىق جانۋ جوق جانە ەلدى مەكەندەرگە قاۋىپ جوق.
ايتا كەتەيىك, ءورت باستالعالى بەرى بارلىعى 2 636 رەت كولەمى 7 747 توننا سۋ توگىلدى.
ەستەرىڭىزگە سالا كەتەيىك, كەشە ساعات 21:00-دە اۋەدەن بارلاۋ جانە جەدەل جاعدايدى باعالاۋ قورىتىندىسى بويىنشا اباي وبلىسىنداعى سەمەي ورمانى تابيعي رەزەرۆاتىنىڭ اۋماعىنداعى تابيعي ءورتتىڭ وقشاۋلانعانى جاريالاندى.
