قولدا بار قويمالار كادەگە جاراپ تۇر ما؟

بۇل ماسەلەنى «Egemen Qazaqstan» گازەتىنىڭ ءتىلشىسى بوتاگوز ابدىرەيقىزى «قويما تاپشىلىعى قىمباتشىلىققا ۇرىندىرادى» اتتى ماقالاسىندا قوزعاعان. 

رەسمي دەرەكتەرگە قاراعاندا, وتكەن جىلى 4,1 ملن تون­نا­ كارتوپ, 621 مىڭ توننا­ ءسابىز, 1,1 ملن توننا پياز جانە 551 مىڭ توننا قىرىققابات ءوندى­رىل­دى.­ الايدا جەمىس-كوكونىس ونىم­دە­رىن ءوندىرۋدىڭ ەداۋىر كولە­مى­نە قا­راماستان, قىس-كوكتەم كەزە­ڭىن­دە ساقتاۋ قۋاتىنىڭ تومەن­دى­گىنە بايلانىستى نارىقتا وتان­دىق كوكونىستەر ۇسىنىسىنىڭ تو­مەندەۋىن اڭعارۋعا بولادى. ارينە بۇل نارىق­تا­ يمپورتتىق ءونىمنىڭ كوبەيۋىن جانە ماۋسىمارالىق كەزەڭدە با­عا­نىڭ كوتەرىلۋىن تۋدىرادى. سوندىقتان بۇل ءتۇيىننىڭ شە­شىمى ‒ كوكونىستەردى ساقتاۋ قۋا­تىن ارتتىرۋ.

ماقالا اۆتورى اۋىل شارۋا­شى­لىعى ءمينيسترى ەربول قارا­شو­كەەۆتىڭ مالىمەتىنە سۇيەنە وتىرىپ, رەس­پۋبليكا بويىنشا جالپى ساقتاۋ سىيىمدىلىعى 1 952,8 مىڭ توننا بولاتىن 1 208 قويما بار ەكنەنىن جازادى. كوكونىستەردى ساقتاۋ سىيىمدىلىعىن ارتتىرۋ ماق­سا­تىندا 2025 جىلعا دەيىن كوكونىس قويمالارىن سالۋ جانە جاڭ­عىرتۋ جونىندەگى كەشەندى جوس­پار بەكىتىلدى. ونىڭ اياسىندا سوڭعى ەكى جىلدا جالپى ساقتاۋ كولەمى جوسپارلانعان 181,5 مىڭ توننانىڭ ورنىنا 200,8 مىڭ تونناعا 37 جوبا ىسكە اسىرىلدى. ال وسى جىلدىڭ سوڭىنا دەيىن 111,5 مىڭ توننا ونىمگە 29 جو­بانى جۇزەگە اسىرۋ جوس­پارلا­نىپ وتىر. بۇل رەت­تە ساق­تاۋ قۋاتتارىمەن قام­تا­ما­سىز­ ەتۋ بويىنشا ناقتى كورى­نىس­تى بەل­گى­لەۋ ءۇشىن اۋىل شا­رۋا­شى­لى­­عى مي­نيسترلىگى ساۋدا جانە ين­تە­­گرا­تسيا­ مينيس­تر­­لىگىمەن جانە وب­لىس اكىم­­دىك­تە­رىمەن بىرلەسىپ بار­لىق قوي­­ما­نى تەكسەرەدى.

اۆتور اتاپ وتكەندەي, كارتوپتى, باسقا دا كوكونىس­ پەن جەمىستى ساقتايتىن قويمالار ءۇش ساناتقا بولىنەدى. قويمالاردىڭ ەڭ كوپ بولىگى, دالىرەك ايتقاندا 770-ءى كوكونىستى كونتەينەرلەردە ساقتاۋعا ارنالعان. وندا 1,3 ملن توننادان استام ءسابىز, قىزىلشا, قىرىققابات, پياز ساقتاۋعا بولادى. ساۋدا جانە ينتەگراتسيا مينيسترلىگى جۇر­­گىزگەن تالداۋعا سايكەس, بۇل كوكو­نىستەردى ساقتاۋ قۋاتتىلىعى جەت­كىلىكتى دەۋگە بولادى. بىراق قال­عان ەكى سانات ‒ كارتوپ پەن جەمىس ساقتاۋ قويمالارى تاپشى. ءبىرىنشىسىنىڭ قۋاتتىلىعى ەگىن­نىڭ تاۋارلىق كولەمىنىڭ 36,5%-ىنا عانا جەتەدى (ول 1,4 ملن توننا). جەمىستەردى ساقتاۋعا ار­نال­­عان قويما دا جەتكىلىكسىز: قول­دا­نىس­­تاعى قويمالار كوكتەمگە دە­يىن ساقتالۋى قاجەت جەمىس كولە­مى­نىڭ 43,8%-ىن عانا (196,5 مىڭ تون­ن­ا) ساقتاي الادى. جالپى, وت­كەن جىل­دىڭ­ سوڭىندا بارلىق ءۇش ساق­تاۋ­ سانا­تىنداعى ورتاشا­ تاپ­شى­­ل­ىق دەڭ­گەيى 35,4%-دى قۇرادى.