اكەگە قاراپ ۇل وسەتىنىن باباتانىم باسىنان بولجاعان. وسى مايەكتى سوزدەن ءبىز دە ءارى اسا الماي وتىرمىز. كىشكەنتايىنان تۇلپاردىڭ تۇرىسى مەن شابىسىنان قاناتتانعان ورىمدەي ۇل اكەسىنىڭ قولعابىسى بولا ءجۇرىپ, جىلقىنىڭ قاسيەتىنە قانىققان.
«ەس بىلگەلى اكەم اتتىڭ ماڭايىنان الىستاتپايتىن. 3 جاسىمنان باستاپ اتقا ءمىنۋدى ۇيرەندىم. بىردە اعام ماعان تاي سىيلادى. سول ارقىلى قىزىعۋشىلىعىم ويانىپ, الاماننىڭ ومىرىمدە ەرەكشە ورىن الاتىنىن ءتۇسىندىم», دەيدى ا.قۇرماش.
بالا شاباندوزدىڭ ايتۋىنشا, جارىستىڭ دۋىنا تۇسەتىن جىلقىعا ەرەكشە كۇتىم كەرەك. سەزىمتالدىعى سونداي, وزىنە دەگەن ماحابباتتى, جىلىلىقتى اڭعارادى. سوندىقتان كەيىپكەرىمىز جىلقىلارىن ەرەكشە قاراپ, جەم-ءشوپ, سۋىن ىقىلاسپەن ۋاقىتىلى بەرىپ, ارنايى جاتتىعۋلار جاساتادى. سايىستارداعى سان ءتۇرلى اتاق-ابىروي, ماراپاتتىڭ بارىندە ۇلكەن ەڭبەك جاتىر.
جالپى, جۇلدە الىپ, حالىقتىڭ قوشەمەتىنە كەنەلگەن ءساتتى اقىلجان سوزبەن ايتىپ جەتكىزە المادى. ەرەكشە سەزىمدى باستان وتكەرەتىندىگى كورىنىپ تۇر. باستىسى ەڭبەكتىڭ وتەمى وڭ ءىستىڭ العا باسقانىنا ەرەكشە قۋانادى. جىلقىعا ات قوياردا دا ايرىقشا ءمان بەرەدى. ونىڭ جۇرىسىنە, تۇسىنە, مىنەزىنە قاراي قويادى. ماسەلەن, «ايقاسقا» اتىن سىرتقى كەلبەتىنە قاراپ سولاي دەسە, «ەركەجيرەندى» ق ۇلىن كەزىندەگى ەركەلىگى ءۇشىن اتاعان.
اقىلجاننىڭ جاقسى كورەتىن تۇلپارى – «باقتورى». ول بۇگىندە كوپكە ءمالىم, كومبەنىڭ كوركىنە اينالعان اسىل تۇقىمدى جىلقىنىڭ تۇياعى. سول سەبەپتى دە اتىن سولاي قويعان. كەيىپكەرىمىز ءار بايگەگە تىڭعىلىقتى دايىندالىپ, ارقايسىسىنان جۇلدە الۋدى ماقسات تۇتادى. بيىل دا ولجالى بولۋ ءۇشىن سايگ ۇلىكتەرىن باپتاپ ءجۇر. الدا ۇلكەن دودالار كۇتىپ تۇر.
جەتىسۋ وبلىسى
