ماماندار ۇسىنعان بولجامعا سايكەس, ەلدىڭ باسىم بولىگىندە جاۋىن-شاشىنسىز اۋا رايى كۇتىلەدى.
«وڭتۇستىك-شىعىس, سولتۇستىك-شىعىس, شىعىس, شەتكى باتىستا, كۇندىز قازاقستاننىڭ ورتالىعىندا قىسقا مەرزىمدى جاڭبىر جاۋىپ, نايزاعاي وينايدى, بۇرشاق جاۋى مۇمكىن», دەيدى سينوپتيكتەر.
رەسپۋبليكا بويىنشا جەل كۇشەيسە, وڭتۇستىكتە, وڭتۇستىك-باتىستا, ورتالىقتا شاڭدى داۋىل بولادى, ال سولتۇستىكتە تۇمان تۇسەدى.
ماڭعىستاۋ, اتىراۋ, باتىس قازاقستان, قىزىلوردا وبلىستارىنىڭ باسىم بولىگىندە, اقتوبەنىڭ وڭتۇستىگىندە, تۇركىستان وبلىستارىنىڭ ءشولدى ايماقتارىندا قاتتى ىستىق كۇتىلەدى.
استانادا كوشپەلى بۇلت شىعادى, كۇن جاۋىن-شاشىنسىز وتەدى. سولتۇستىك-شىعىستان 9-14 م/س جەل سوعادى. اۋا تەمپەراتۋراسى تۇندە +6+8°س, كۇندىز +21+23°س.
الماتىدا دا كوشپەلى بۇلت شىعادى, جاۋىن-شاشىن كۇتىلمەيدى. سولتۇستىك-شىعىستان 3-8 م/س جەل سوعادى. اۋا تەمپەراتۋراسى تۇندە +18+20°س, كۇندىز +30+32°س.
شىمكەنتتە كوشپەلى بۇلت شىعادى, جاۋىن جاۋمايدى. شىعىستان سوعاتىن جەلدىڭ ەكپىنى 8-13 م/س دەيىن جەتەدى. اۋا تەمپەراتۋراسى تۇندە +20+22°س, كۇندىز +36+38°س.
