ماقالا اۆتورى «شولپان-اتا» جيىنى جايلى ءسوز قوزعاپ, «ورتالىق ازيا - ەۋروپالىق وداق» فورماتىندا وتكەن كەزدەسۋ ايرىقشا مانگە يە ەكەنىن تىلگە تيەك ەتتى.
جيىن بارىسىندا مەملەكەت باسشىسى قاسىم-جومارت توقاەۆ جۇك تاسىمالى باعىتتارىنا كەڭىنەن توقتالىپ, بۇل ماسەلەدە ەو قولداۋى اسا ماڭىزدى ەكەنىن اتاپ ءوتتى.
«جۋىردا قىتايعا جاساعان مەملەكەتتىك ساپارىمنىڭ اياسىندا قىتايلىق سەرىكتەستەرىمىزبەن بىرگە سيان قالاسىندا لوگيستيكالىق تەرمينالدىڭ ىرگەتاسىن قالادىق. بۇل پورت ورتالىق ازيا تەرريتورياسى ارقىلى ەۋروپاعا تىكەلەي كونتەينەرلىك پويىزداردى جىبەرۋ ءۇشىن ماڭىزدى حاب بولماق. سونداي-اق ءبىز ترانسكاسپي باعىتىن قىتايدىڭ ء«بىر بەلدەۋ, ءبىر جول» باستاماسىمەن ۇشتاستىرۋعا ۋاعدالاستىق. قازىرگى ۋاقىتتا ەۋروپاعا ەكسپورتتالاتىن قازاقستان مۇنايىنىڭ 80 پايىزى كاسپي قۇبىر كونسورتسيۋمى ارقىلى جۇزەگە اسىرىلادى. ورتاق مۇددەنى ەسكەرە وتىرىپ, وسى قۇبىر ارقىلى مۇنايدىڭ ۇزاق مەرزىمدى جəنە تۇراقتى جەتكىزىلۋىن قامتاماسىز ەتۋ اياسىندا ەۋرووداق قولداۋ كورسەتەدى دەپ سەنەمىز», دەدى پرەزيدەنت.
سونىمەن قاتار جيىن بارىسىندا حالىقارالىق سالىق جəنە ينۆەستيتسيالىق ورتالىق ساراپشىسى ۋەسلي حيلل ءسوز سويلەدى. ونىڭ ايتۋىنشا, الەم ەلدەرى ورتالىق ازيانىڭ ەنەرگەتيكالىق رەسۋرسىنا قىزىعۋشىلىق تانىتىپ وتىر.
ماقالانىڭ تولىق نۇسقاسىن «Egemen Qazaqstan» گازەتىنىڭ №109 (30588) سانىندا وقۋعا بولادى.
