«Vision Pro»-نىڭ باستى ارتىقشىلىعى – ونىڭ امبەباپ ينتەرفەيسى. ول 3D اسەرىن كەرەمەت ۇسىنىپ, ۆيرتۋالدى الەمدى شىنايى ەتىپ كورسەتەدى. پايدالانۋشىلار قيمىل, داۋىس جانە كوز قيمىلدارى ارقىلى قۇرىلعىنى تولىعىمەن باسقارا الادى. ءونىمنىڭ تاعى ءبىر ەرەكشەلىگى – ۆيرتۋالدى كولەمدى كەڭىستىكتە ءبىر ۋاقىتتا بىرنەشە قوسىمشانى اشۋ مۇمكىندىگى بار. گارنيتۋرا كورپۋسىنداعى «Digital Crown» دوڭگەلەگى پايدالانۋشىلارعا تەرەزەلەردىڭ ورنالاسۋىن, سونىڭ ىشىندە ولاردىڭ كەڭىستىكتەگى تەرەڭدىگىن رەتتەۋگە مۇمكىندىك بەرەدى. سونىمەن قاتار «Vision Pro» قولدىڭ, ساۋساقتاردىڭ جانە كوزدىڭ قوزعالىسىنا جاۋاپ بەرەتىن كونتروللەرلەردى قاجەت ەتپەيدى.
گارنيتۋرانىڭ تاعى ءبىر قىزىقتى مۇمكىندىگى – «EyeSight». ول سىرتقى الەممەن قارىم-قاتىناس جاساعاندا پايدالانۋشىلاردى كورپۋستا كورسەتەدى. «Vision Pro» ارقىلى سىلتەمەلەردى ءبىر ۋاقىتتا اشىپ, «Safari» براۋزەرىندە جۇمىس ىستەۋگە, سونداي-اق «MacBook» ەكرانىن ۆيرتۋالدى كەڭىستىككە قولدانۋعا ءارى قالاعان جەرگە جىلجىتىپ ورنالاستىرۋعا بولادى. ءونىمنىڭ وزگە مۇمكىندىكتەرىنىڭ قاتارىندا فيلمدەردى 3D فورماتىندا كورۋ, پانورامالىق فوتوسۋرەتتەردى قاراۋ, سونداي-اق ۆيرتۋالدى كەڭىستىكتەگى ءۇش ولشەمدى نىسانداردى قولدايتىن جۇزدەگەن قوسىمشانى پايدالانۋ مۇمكىندىگىن جاتقىزۋعا بولادى.
«Vision Pro» گارنيتۋراسى جەڭىل ءارى بەرىك ماتەريالداردان جاسالعان. بۇل پايدالانۋ كەزىندە جايلىلىق پەن بەرىكتىكتى قامتاماسىز ەتەدى. سونداي-اق ول جوعارى ساپالى «microLED» ديسپلەيلەرىمەن جابدىقتالعان. ولار 23 ميلليون پيكسەل اجىراتىمدىلىعىمەن ءمولدىر سۋرەتتى ۇسىنادى. «LiDAR»-دى قوسا العاندا, 12-دەن استام كامەرا مەن جەتىلدىرىلگەن سەنسور «Vision Pro»-نى پايدالانۋشىنىڭ ەگجەي-تەگجەيلى ساندىق اۆاتارىن جاسايدى, ونى كوپتەگەن قوسىمشادا قولدانۋعا مۇمكىندىك بەرەدى.
«Vision Pro» قاۋىپسىزدىگى ءۇشىن «Optic» ID تەحنولوگياسى قولدانىلادى. گارنيتۋرا قۇرىلعىنىڭ يەسىن كوزدىڭ تورلى قابىعىن سكانەرلەۋ ارقىلى تانيدى. بارلىق بيومەتريكالىق اقپارات شيفرلانعان جانە قۇپيالىلىقتى قورعاۋدى قامتاماسىز ەتۋ ءۇشىن بارلىق اقپارات قۇرىلعىنىڭ وزىندە قالادى.
2024 جىلدىڭ باسىندا «Vision Pro» ساتىلىمعا شىعادى. ول 3 499 دوللارعا باعالانىپ وتىر. الايدا وسى ۋاقىتقا دەيىن «Apple» ءوزىنىڭ دۇكەندەرىندە دەمونستراتسيالىق ايماقتاردى اشادى. وندا ادامدار گارنيتۋرانى سىناپ كورىپ, ونىڭ كەرەمەت مۇمكىندىكتەرىن باعالاي الادى.
قىسقاسى, «Vision Pro» پايدالانۋشىلارعا بىرەگەي ءارى تولىعىمەن جەكەشە تاجىريبە ۇسىنا وتىرىپ, تولىقتىرىلعان شىندىق ايماعىنا رەۆوليۋتسيالىق وزگەرىستەر ەنگىزەدى. بۇل گادجەتتىڭ كومەگىمەن ۆيرتۋالدى الەمدەگى ادامنىڭ مۇمكىندىكتەرى شىنىمەن شەكسىز بولا تۇسەتىنى انىق.
ديدار سەرىكوۆ,
ل.ن.گۋميلەۆ اتىنداعى
ەۇۋ ستۋدەنتى
