ءاليحان سمايىلوۆ ەكى ەل اراسىندا ەلشىلىك اشىلىپ, بايلانىستىڭ نىعايا تۇسكەنىن جانە ونىڭ ودان ءارى تەرەڭدەۋى قاجەت ەكەنىن اتاپ ءوتتى.
«ەكى ەل اراسىنداعى تاۋار اينالىمىنىڭ ءوسۋ قارقىنى جاقسى. وسىعان بايلانىستى ءبىز ءوزارا ساۋدا-ەكونوميكالىق ءىس-قيمىلدىڭ باسىم باعىتتارىن جانە كەلەشەكتەگى بىرلەسكەن جوبالاردى ايقىنداۋ بويىنشا بىرلەسىپ جۇمىس ىستەۋدى ءجون كورەمىز», دەدى ۇكىمەت باسشىسى.
سونىمەن قاتار پرەمەر-مينيستر ەكى ەلدىڭ فارماتسەۆتيكا جانە بيوتەحنولوگيا سالالارىنداعى ىنتىماقتاستىقتى دامىتۋدا الەۋەتى زور ەكەنىن ايتتى. ماسەلەن, قازىرگى ۋاقىتتا قازاقستان مەن كۋبانىڭ ءتيىستى كومپانيالارى اراسىندا ءوزارا ءىس-قيمىل بەلگىلى ءبىر دەڭگەيدە جولعا قويىلعان.
«بۇل بولاشاقتا ناقتى ناتيجەلەرگە اكەلەدى دەپ ۇمىتتەنەمىز», دەدى پرەمەر-مينيستر.
مانۋەل ماررەرو كرۋس ءوز تاراپىنان كۋبانىڭ قازاقستانمەن ەكونوميكالىق بايلانىستاردى تەرەڭدەتۋگە مۇددەلى ەكەنىن ءبىلدىردى.
«دەنساۋلىق ساقتاۋ سالاسى – ەكى ەل اراسىنداعى ىنتىماقتاستىقتىڭ الەۋەتى بار سالالارىنىڭ ءبىرى. مۇندا ءبىز فارماتسەۆتيكا جانە بيوتەحنولوگيا ونەركاسىبى, مەديتسينالىق قىزمەتتەر, اكادەميالىق الماسۋ تۋرالى ايتىپ وتىرمىز. ءبىز دامىتا الاتىن وسى سالاعا قاتىستى ءارتۇرلى باعىتتار بار», دەدى مانۋەل ماررەرو كرۋس.
قورىتىندىلاي كەلە, مانۋەل ماررەرو كرۋس قر پرەمەر-ءمينيسترىن ىڭعايلى ۋاقىتتا كۋباعا جۇمىس ساپارىمەن كەلىپ قايتۋعا شاقىردى.
