كونسەرۆاتيۆتى كۇشتەر اراسىنداعى جانجالدار سالدارىنان جانە جاڭا ءوسىپ كەلە جاتقان «ويىنشىلاردىڭ» كەسىرىنەن حالىقارالىق قاتىناستارعا سىزات ءتۇسىپ وتىر. ءبىز كەرىسىنە بەيبىتشىلىكتى ىلگەرىلەتۋىمىز كەرەك. سوندىقتان الەمگە قىتايدى دا, ۆاتيكاننىڭ دا ءۋاجىن بىردەي تىڭداي ءبىلۋى ماڭىزدى.
ال قازاقستان تۋرالى ايتساق, بۇل ەل – جاس رەسپۋبليكا. الايدا ەل وسىناۋ 30 جىلدىڭ ىشىندە كوپ وزگەرىپ, جاڭا قازاقستان پايدا بولدى. سونىمەن قاتار اتالعان ۋاقىت ىشىندە قازاقستاندا ەكونوميكالىق ەۆوليۋتسيا پايدا بولدى. ەلدە جاستاردىڭ سانى ارتقان, وسكەلەڭ ۇرپاق – جاس ەلدىڭ بولاشاعى ەكەندىگىنە كۇمانىمىز جوق.
قازاقستانداعى ساياسي رەفورمالارعا قاتىستى پرەزيدەنتتىڭ, ۇكىمەتتىڭ جاڭارىپ, كونستيتۋتسياعا وزگەرىستەر ەنگىزىلگەنىن دە بىلەمىز. بۇعان قوسا ەكونوميكا مەن بيزنەستى ىلگەرىلەتۋ باعىتىندا كونستيتۋتسياعا جاڭا باپتاردىڭ قوسىلۋى وتە ماڭىزدى.
قازاقستان – ورتالىق ازياداعى نەگىزگى قوزعاۋشى كۇش. مەنىڭ ويىمشا, قازاقستان باسشىلىعى ءوڭىردىڭ باسقا ەلدەرىن قولداۋعا جاۋاپتى. ويتكەنى قازاقستاننىڭ ءرولى – ورتالىق ازياداعى تەڭدەستىرىلگەن الەۋمەتتىك-ەكونوميكالىق جاعدايعا جاردەمدەسۋ. قازاقستان ورتالىق ازياداعى الەۋمەتتىك-ەكونوميكالىق تەپە-تەڭدىككە عانا ەمەس, كەيبىر گەوساياسي اسپەكتىلەرگە دە جاردەمدەسە الادى.
سونىمەن قاتار استانا قالاسى سوڭعى 20 جىل ىشىندە بەيبىتشىلىك پەن وركەنيەتتەر ديالوگىنا ارنالعان فورۋمداردىڭ الاڭى, سونداي-اق الەمدىك قوعامداستىقتىڭ نازارىن يادرولىق بەيتاراپتىق پروبلەماسىنا اۋدارادى.
ء«بىر بەلدەۋ – ءبىر جول» باستاماسىنا قىزىعۋشىلىقتىڭ ارتۋى وعان قازاقستاننىڭ قاتىسۋى جانە باستاما شەڭبەرىندەگى ورتامەرزىمدى ىنتىماقتاستىقتىڭ پەرسپەكتيۆالى ەكەنىن ايتقان ءجون.
تۇتاستاي العاندا, قازاقستان الەمدەگى كوپتەگەن ەلمەن ەكىجاقتى ءتيىمدى نەگىزدە اسا تىعىز ساياسي-ەكونوميكالىق بايلانىس ورناتىپ ۇلگەرگەن.
تيبەريو گراتسياني,
«Vision & Global Trends» تالداۋ ورتالىعىنىڭ توراعاسى
