«اققايىڭ» ءانسامبلى ەڭ العاش وڭىردە مەملەكەت جانە قوعام قايراتكەرى وزبەكالى جانىبەكوۆتىڭ ۇلتتىق قۇندىلىقتاردى جيناقتاپ, ءدۇبىرى كەڭگە جايىلعان ايماقتىق «تورعاي اۋەندەرى» فەستيۆالىنىڭ اشىلۋىمەن بىرگە دۇنيەگە كەلگەن بولاتىن. جىل سايىن ەل ىشىنەن نەبىر دارىنداردى جارىققا اكەلگەن ونەر بايگەسى ءدۇيىم جۇرتتىڭ كوزقۋانىشىنا اينالدى.
انسامبل تاريحى تۋرالى ايتقاندا ونىڭ العاشقى قارلىعاشتارى سۇلتانبەك مولداحمەتوۆ, قابدىراشيت احمەدين, بەكزادا وزتاەۆ, قاسىمبەك ءابجانوۆ, بەردەش سماعامبەت ۇلى, ماقاش ابدىعاپاروۆ, تولەش جيەنباەۆ, تاكەن قۇرمانوۆ, اعايىندى احمەتشارىپ, ءمولداشارىپ فايزۋلليندەر, تولعاناي يبراەۆا, كۇلاش ايتقوجاەۆا, قارشىعا اشىقباەۆا, ساعىناي بايمۇحانوۆا, تيىشتىق سىعاەۆا سىندى ونەر يەلەرىنىڭ ورنى بولەك. تالانتتار شوعىرى جىل وتكەن سايىن تىڭ ەسىمدەرمەن تولىعىپ جاڭعىرا بەردى. ءانسامبلدىڭ قۇرامىندا الياقاش عاينۋللين, ساپابەك قوڭقاباەۆ, ناعيما مۇساقىزى, سەيىتكەن ەسماعانبەتوۆ, ءماريا اۋەزوۆا, شايجان تولەگەنوۆ, عابدەش جاقىپوۆ, مۇحامەتقالي تاشاەۆ, مەيرام شاكىروۆ, ءابدىحاميت اقاشوۆ, بەكتاس قاسىموۆ, قازبەك يۋپوۆ, ساپاش ەسماعانبەتوۆ, ناعيما مۇساقىزى, اقزيرا ابەنوۆا, بەلگىلى جۋرناليست, پۋبليتسيست جۇمابەك كەنجالين مەن باسقا دا ازاماتتار بولدى.
«اققايىڭ» كوركەمونەرپازدار ۇجىمىنىڭ قۇرامىندا ۇلتتىق ءداستۇرلى حالىقاسپاپتار بولىمىمەن قاتار زاماناۋي ەسترادالىق جانردىڭ دا قاتار وركەندەۋى تابيعي زاڭدىلىققا سايادى. 1984 جىلى اۋىلدا قايىڭدى مۋزىكا مەكتەبى شاڭىراق كوتەگەن جىلدارى سول مەكتەپتىڭ ديرەكتوى بولعان داۋلەتكەرەي ابلاحات ۇلىنىڭ ۇيىمداستىرۋىمەن جاس ونەرپازدار «ايناساز» ۇلتاسپاپتار ءانسامبلى قۇرامىندا دا تاماشا ونەر كورسەتتى. سول جىلدارى انشىلەر عاليا جۇماباەۆا, بانۋ سماعۇلوۆا, مارۋا ەرعاليەۆا, اسەل مۋتلاپوۆا, شىنار ءابدىلدينا, بيشىلەردەن گۇلساعات احمەدينا, ءمۇسليما سەيىتجاعىپارقىزى, قۇرالاي بيجانوۆا, قۇرالاي ەسماعانبەتوۆا مەن باسقا دا ونەرپازدار بولسا, سينتەزاتوردا ونەرىن سىيلاعان جانكەلدى بايكەنوۆ «اققايىڭ» ۇجىمىن شىرايلاندىرعانى انىق.
ارقالىق جاسوسپىرىمدەر تەاترىندا وتكەن «اققايىڭ» ءانسامبلىنىڭ 50 جىلدىعىنا ارنالعان كونتسەرتكە كورەرمەن كوپتەپ جينالدى. سالتاناتتى ءىس-شارادا مەرەيتوي يەلەرىن Amanat پارتياسى ارقالىق قالالىق فيليالىنىڭ اتقارۋشى حاتشىسى سابىرجان تاسماعانبەت قۇتتىقتاپ, مەرەيتويلىق مەدالمەن ماراپاتتادى.
مەرەيتويلىق كونتسەرتكە كەزىندە وسى ونەر ۇجىمىنىڭ بەلدى مۇشەلەرى بولعان, قازىر ەلىمىزدىڭ ءار قالالارىندا تۇراتىن جۇماعازى كاكىمجانوۆ, داۋلەتكەرەي ابلاحات ۇلى, التىنشاش ابدىبەكوۆا, قيلىباي ەلۋباەۆ, ءالىم ەسماعانبەتوۆ, قايىربەك مولداحمەتوۆ, نۇريلا وماروۆا, ءماريام قوڭقىشەۆا, بالتابەك قۇرمانباەۆ, ايدار ەسماعانبەتوۆ, قۇرماناي بيجانوۆا, ساۋلە جۇسىپبەكوۆا, توتى ەسماعانبەتوۆا ءتارىزدى كۇمىس كومەي انشىلەرى مەن داۋلەسكەر كۇيشىلەرى اۋەلەتە ءان شىرقاپ, كۇمبىرلەتە كۇي تارتىپ, تىڭدارماندارىنىڭ قۇلاق قۇرىشىن قاندىردى. وسى ازاماتتارمەن بىرگە كەزىندە اقاناي ەدىرەسوۆ, قايرات كيكيموۆ, ناعاشىباي شاكىروۆ, مەيرامبەك مولداحمەتوۆ, قازىمبەك مولداحمەتوۆ, سايلاۋبەك ەدىرەسوۆ, قارلىعاش فازىلبەكقىزى, بيشىلەر توبىنان زالياش كەنجالينا, گاۋھار التىنساروۆا, جانات مۋرزينا, ايتكۇل جانگەلدينا, مايرا ابدراحمانوۆا مەن باسقا دا ونەر يەلەرى ونەر كورسەتتى.
ءانسامبلدىڭ قۇرامىنان تۇلەپ ۇشقان دارىندى ءانشى-كومپوزيتورلار, جۇماعازى كاكىمجانوۆ, داۋلەتكەرەي ابلاحات ۇلى, ءالىم ەسماعانبەتوۆ سىندى ءتول اۆتورلارىنىڭ ارقاسىندا «ارقالىعىم مەنىڭ», «پاي-پاي, «قايىڭدىم!», «قايىڭدىنىڭ كەشتەرى», «اۋىلدان كەلگەن ارۋ» سىندى سىرشىل اندەر دۇنيەگە كەلدى.
«ساز اسپاپتارىنىڭ قات كەزىندە اقاش سىندى كىسىلەر ونى قولدان ويىپ, اتالار ءىزىن جالعاستىرعان. الىستاعى اۋىلدىڭ «اققايىڭ» ءانسامبلى كەزىندە سوناۋ الماتىعا بارىپ, رەسپۋبليكالىق دەڭگەيدەگى ونەر جارىسىندا جۇلدەلى ورىن العان. سول تولقىننىڭ ۇستانعان باعىتىن ۇزبەي, جاندى داۋىستا ونەرىمىزدى دامىتساق دەيمىز. ءانسامبلدىڭ مەرەيتويىن داستۇرگە اينالدىرىپ, جىل سايىن جۇلدەسىن تىگىپ, جالعاستىرماق ويىمىز بار. قازىرگى قولدانىپ جۇرگەن زاماناۋي ساز اسپاپتارىمىزدى قايىڭدى اۋىلىنان شىققان ازاماتتار دەمەۋشىلىك جاساپ الىپ بەردى», دەيدى جاڭارعان, جاسارعان ءانسامبلدىڭ قازىرگى جەتەكشىسى, تانىمال ءانشى نۇربول ابدىعالىموۆ.
ءانسامبلدىڭ بۇرىنعى مۇشەسى بالتابەك قۇرمانباەۆ وسى ءانسامبلدىڭ قۇرامىندا ەكى جىلداي ءان سالعانىن ايتا كەلىپ, «بۇگىن وسى ءانسامبلىمىزدىڭ مۇشەلەرى جان-جاقتان جينالىپ, حالىقتىڭ باسىن قوسىپ, ەسەپ بەرۋ كونتسەرتىن وتكىزىپ جاتىر. ساعىم بولعان جاستىق شاعىمىزدى ەسكە تۇسىردىك», دەدى.
قايىڭدى اۋىلىنىڭ تۋماسى مىرزاعالي دوسمانوۆ «اققايىڭ» انسامبلىندە بىرنەشە تولقىننىڭ ونەر كورسەتكەنىن, مەكتەپ بىتىرگەن جىلدارى سىنىپتاستارىنىڭ اسكەردەن كەيىن ءانسامبلدىڭ قۇرامىنا قوسىلعانىن ەسكە سالدى.
ارقالىق قالاسىنىڭ تۇرعىنى تۇرمان اشىباەۆ تا بالا كەزىندە «اققايىڭ» ءانسامبلىنىڭ كونتسەرتىن ءجيى تاماشالاعانىن اتاپ ءوتتى.
ء«ومىر زاڭى بولعاسىن بۋىن الماسپاي تۇرمايدى. ءانسامبلدىڭ كوپ مۇشەسى قازىر ارامىزدا جوق. اعايىندى احمەتشارىپ, ءمولداشارىپ فايزۋللين دەگەن اعالارىمىز دا شىنايى ونەردىڭ تۋىن تىككەن حاس تالانتتار بولاتىن. فايزۋلليندەر انسامبلىمەن دە ەسىمدەرى كەڭگە جايىلدى. كەيىنگى قۇرامىن جاس ازاماتتار الماستىردى. بۇل وتە جاقسى قادام. ۇزاعىنان ءسۇيىندىرسىن دەيمىز», دەدى ت.اشىباەۆ.
قايىڭدى اۋىلىنىڭ تۋماسى ماساتى جاماقوۆانىڭ ايتۋىنشا, كەزىندە انسامبلدە جاقسى انشىلەر مەن كۇيشىلەر كوپ بولدى. مەيرام شاكىروۆ, ءابدىحاميت اقاشوۆ, بەكتاس قاسىموۆ, شايجان تولەگەنوۆ پەن باسقالار انسامبل قۇرامىندا بولىپ, ونەر بيىگىنەن كورىندى. قازىر «اققايىڭ» ءانسامبلىنىڭ قۇرامى جاستارمەن جاڭارىپ جاتىر. كەلەشەگى نۇرلى بولسىن!
ءيا, جاڭا قۇرام, جاڭا لەپ. اعا بۋىننىڭ باتاسىن الىپ, جاستىق جىگەرمەن جالىنداعان «اققايىڭ» ءانسامبلى ەندى گاسترولدىك ساپارمەن ەل ءىشىن ارالاماق نيەتتە. ونەرلى ورەندەر العاشقى قادامدارىن قاسيەتتى ۇلىتاۋ وڭىرىنەن باستاماقشى. ءسات-ساپار بولسىن دەيمىز.
مۇرات جۇنىس ۇلى,
جۋرناليست
ارقالىق
