بيىل ءبىرىنشى توقساندا ىشكى نارىقتاعى ءوندىرىس ەكى ەسە ۇلعايىپ, 7,3 مىڭ تونناعا جەتكەن. ءۇش ايدا مىڭ توننادان استام بالمۇزداق ەكسپورتقا شىعارىلعان. بۇل – بىلتىرمەن سالىستىرعاندا 30 پايىزعا جوعارى كورسەتكىش.
مەملەكەتتىك كىرىستەر كوميتەتىنىڭ حابارلاۋىنشا, سوڭعى 3 جىلدا بالمۇزداق ەكسپورتى 1 217,8 توننا بولىپتى (4 832,3 مىڭ دوللار). 2020 جىلى – 284,8 توننا, 2021 جىلى – 367,9 توننا, 2022 جىلى – 565,1 توننا. تاۋار يمپورتى 1 686,6 توننانى قۇرايدى. قۇنى – 6 453,2 مىڭ دوللار. 2020 جىلى – 263,1 توننا, 2021 جىلى – 215,2 توننا, 2022 جىلى – 1208,3 توننا.
قازاقستان بالمۇزداعىنىڭ نەگىزگى ساتىپ الۋشىسى – وزبەكستان. بۇل ەلگە 2020 جىلى – 221,6 توننا, 2021 جىلى – 285,7 توننا, 2022 جىلى 400,7 توننا ءونىم جەتكىزىلگەن. ءبىزدىڭ بالمۇزداق موڭعوليا, ازەربايجان, تۇرىكمەنستان جانە تاجىكستانعا دا ساتىلادى. ال ەاەو-عا كىرمەيتىن ەلدەر اراسىنان ءوز نارىعىمىزدا فرانتسۋز بالمۇزداعى ەرەكشە سۇرانىسقا يە. پاندەميا جىلى بۇل ەلدەن – 167,5 توننا, 2021 جىلى – 110,5 توننا, بىلتىر 168,7 توننا بالمۇزداق اكەلىنگەن.
بۇدان بولەك ءبىز شۆەيتساريا, تۇركيا, ۋكراينا, يسپانيا, يتاليا, كورەيا جانە بەلگيادان دا بەلسەندى تاسىمالدايمىز. اسىرەسە سوڭعى جىلدارى تۇرىك بالمۇزداعىنا دەگەن قىزىعۋشىلىق ءتاپ-ءتاۋىر ارتقان.
