«ايماقتاعى ەكى ۇلكەن وزەن سىرداريا مەن امۋدارياداعى سۋ دەڭگەيى 2050 جىلعا قاراي 15 پايىزعا تۇسەدى. ءبىز ايماقتاعى ەكولوگيالىق اپاتتىڭ الدىن الۋ ءۇشىن حالىقارالىق ارالدى قورعاۋ قورىن قولداۋعا كوبىرەك قارجى بولۋگە شاقىرامىز.
سۋ مەن كليماتتىڭ وزگەرۋ ماسەلەسى ءوزارا تىعىز بايلانىستى. ورتالىق ازيا – سۋ قاۋىپسىزدىگىن ساقتاۋ تىعىز ارىپتەستىك جانە بىرلەسكەن ءتيىمدى شارالاردى جۇزەگە اسىرۋ ارقىلى عانا شەشىلەتىن ايماق.
ايماقتاعى كليمات جانە وزگە دە ماسەلەلەردى تالقىلاۋ ءۇشىن مەن الماتىدا ورتالىق ازيا ەلدەرىنىڭ جوبالىق كەڭسەسىن قۇرۋدى جانە بۇۇ سەكىلدى حالىقارالىق ۇيىمداردى تارتا وتىرىپ, 2026 جىلى قازاقستاندا ايماقتىق كليماتتىق سامميت وتكىزۋدى ۇسىنامىن», دەدى پرەزيدەنت.
سونىمەن قاتار مەملەكەت باسشىسى «جاسىل» ەكونوميكانىڭ مول مۇمكىندىكتەرىن ۇسىنىپ, ونى قايتادان قالپىنا كەلتىرىپ, ەنەرگەتيكانىڭ ورتالىعى اتانا الاتىندىعىن ايتىپ, ۋاقىتتىڭ تاپشى ەكەنىن ەسكەردى. ءسوز سوڭىندا پرەزيدەنت «جاسىل» ەكونوميكاعا كوشۋ ءۇشىن رەسۋرستار مەن سەرىكتەستىك بايلانىس قاجەت ەكەنىن قاداپ ايتتى.
