«قازگيدرومەت» رمك مالىمەتىنشە, بىرقاتار وڭىردە نايزاعاي ويناپ, جاڭبىر جاۋادى, سونداي-اق تۇمان ءتۇسىپ, قاتتى ىستىق كۇتىلەدى.
«تەك رەسپۋبليكانىڭ وڭتۇستىگى مەن شىعىسىندا جاۋىن-شاشىنسىز اۋا رايى ساقتالادى. رەسپۋبليكادا جەل كۇشەيەدى, باتىستا بۇرشاق جاۋى مۇمكىن, تۇندە جانە تاڭەرتەڭ وڭتۇستىك-باتىستا تۇمان كۇتىلەدى», دەلىنگەن حابارلامادا.
اقمولا وبلىسىنىڭ وڭتۇستىك-باتىسىندا, ۇلىتاۋ, قاراعاندى وبلىستارىنىڭ وڭتۇستىگىندە قاتتى ىستىق كۇتىلەدى.
اقمولا, تۇركىستان, ماڭعىستاۋ, اقتوبە, قوستاناي, سولتۇستىك قازاقستان, پاۆلودار, قاراعاندى, ۇلىتاۋ, شىعىس قازاقستان, اباي, قىزىلوردا, جامبىل, جەتىسۋ وبلىستارىندا, الماتىنىڭ سولتۇستىك جارتىسىندا, اتىراۋدىڭ سولتۇستىگىندە, شىعىسىندا توتەنشە ءورت قاۋپى ساقتالادى.
تۇركىستان, اقتوبە وبلىستارىندا جوعارى ءورت قاۋپى ساقتالادى.
