«قۇرمەتتى دوستار!
بارشاڭىزدى مەملەكەتتىك رامىزدەر كۇنىمەن شىن جۇرەكتەن قۇتتىقتايمىن.
تۋ, ەلتاڭبا, ءانۇران – ءاردايىم حالقىمىزدى بىرلىككە شاقىراتىن, ءاربىر قازاقستاندىقتىڭ ايبىنىن اسىرىپ, رۋحىن اسقاقتاتاتىن ەڭ اسىل قۇندىلىقتارىمىزدىڭ ءبىرى. مەملەكەت باسشىسى قاسىم-جومارت كەمەل ۇلى توقاەۆ اتاپ وتكەندەي, بۇل قۇندىلىقتار بويىمىزعا زور ماقتانىش پەن جاۋاپكەرشىلىك سەزىمىن ۇيالاتادى. مەملەكەتتىك رامىزدەردى قادىرلەۋ – ءار ازاماتتىڭ قاستەرلى پارىزى!
شىن مانىندە, ەگەمەن ەلدىكتىڭ نىشانى سانالاتىن رامىزدەرىمىزدىڭ قادىر-قاسيەتىن وسكەلەڭ ۇرپاقتىڭ ساناسىنا بالا جاستان ءسىڭىرۋدىڭ بەرەرى مول. بۇل, تۇپتەپ كەلگەندە, جاستارىمىزدىڭ وتانشىل بولىپ قالىپتاسۋىنا ۇلكەن ۇلەسىن قوسادى. سوندىقتان بۇل كۇندى كەڭىنەن اتاپ ءوتۋ, ونى دارىپتەۋ ايرىقشا مانگە يە.
بارشاڭىزدى بۇگىنگى مەرەكەمەن قۇتتىقتاي وتىرىپ, ءار شاڭىراققا اماندىق, بەرەكە-بىرلىك جانە ىرىس-نەسىبە تىلەيمىن! ءانۇرانىمىز اۋەلەپ, ەلتاڭبامىز توردەن تۇسپەي, بايراعىمىز بيىكتە جەلبىرەي بەرسىن! تاۋەلسىز قازاق ەلى ماڭگى جاساسىن!», دەلىنگەن قۇتتىقتاۋدا.
